கவனத்திற்குரிய முக்கிய செய்திகள்

7.6.2024
டெக்கான் கிரானிக்கல், சென்னை:
* ரூ.30 லட்சம் கோடி பங்குச் சந்தை மோசடி மோடி – அமித்ஷாவுக்கு நேரடி தொடர்பு: ராகுல் காந்தி பரபரப்பு குற்றச்சாட்டு
டெக்கான் கிரானிக்கல், அய்தராபாத்:
* பீகார், ஆந்திராவுக்கு சிறப்புத் தகுதி கிடைக்குமா? காங்கிரஸ் கேள்வி. ஜாதிவாரி கணக்கெடுப்புக்கு அய்க்கிய ஜனதா தளம் ஆதரவு.
*அக்னி வீர் திட்டம், ஒரே நாடு ஒரே தேர்தல், பொது சிவில் சட்டம் குறித்து மறு பரிசீலனை, பாஜக கூட்டணிக் கட்சிகள் கோரிக்கை.
இந்தியன் எக்ஸ்பிரஸ்:
* 2024 தேர்தலில் பீகாரில் ராஷ்டிரிய ஜனதா தள. கட்சிக்கு வாக்கு பங்கு 6% அதிகமாகவும், பாஜக மற்றும் அய்க்கிய ஜனதா தளம் வாக்கு சதவீதம் – தலா 3.5% அல்லது அதற்கு மேல் சரிந்தன.
* 2019 இல் 50%-க்கும் அதிகமான வாக்குகளைப் பெற்ற 224 இடங்களிலிருந்து, பாஜக 2024 இல் 156 ஆக வீழ்ச்சியடைந்துள்ளது.
* ‘பாஜகவினர் ராமன் பெயரில் வியாபாரம் செய்தார்கள்’ அயோத்தியில் வெற்றி பெற்ற சமாஜ்வாடி கட்சியின் தாழ்த்தப்பட்டோர் தலைவர் விமர்சனம்.
*2024 தேர்தல் முடிவுகளில், ‘இந்தியா என்ற எண்ணம்’ மறுபிறப்பு ஆகியுள்ளது என்கிறார் பேராசிரியர் அசுதோஷ் வார்ஸ்னே.
நியூ இந்தியன் எக்ஸ்பிரஸ்:
*சரத்பவார் – உத்தவ் – காங்கிரஸ் தலைமையிலான மகா விகாஸ் அகாடி (MVA) பெற்றுள்ள 30 இடங்கள் மற்றும் ஒரு சுயேட்சை எம்.பி.யின் ஆதரவைப் பெற்ற மகாராட்டிரா மக்களவை முடிவுகள் மாநிலத்தில் உள்ள அனைத்து முக்கிய கட்சிகள் மற்றும் தலைவர்களுக்கு குறிப்பிடத்தக்க தாக்கங்களை ஏற்படுத்தும்.
* மகாராட்டிராவில் அஜித் பவார் அணியில் இருந்து 10-15 சட்டமன்ற உறுப்பினர்கள், சரத் பவார் அணிக்கு தாவுவார்கள் என தகவல்.
* மகாராட்டிராவைச் சேர்ந்த சுயேட்சை மக்களவை உறுப்பினர் விஷால் பாட்டீல் காங்கிரசில் சேர்ந்தார். மக்களவையில் காங்கிரஸ் உறுப்பினர்கள் எண்ணிக்கை 100 ஆக உயர்ந்தது.
* அண்ணா பல்கலைக்கழகம் முதல் முறையாக உலகின் முதல் 400 சிறந்த பல்கலைக்கழக பட்டியலில் இடம் பிடித்தது. பல்கலைக்கழகம் கடந்த ஆண்டு 427ஆவது இடத்தில் இருந்து 383ஆவது இடத்திற்கு முன்னேறி, இந்திய நிறுவனங்களில் 10ஆவது இடத்தைப் பிடித்தது.
தி டெலிகிராப்:
* கோட்டா: நீட் தேர்வில் குறைந்த மதிப்பெண் பெற்றதால் மனமுடைந்த 18 வயது சிறுமி 9ஆவது மாடியில் இருந்து குதித்து தற்கொலை.
டைம்ஸ் ஆப் இந்தியா:
* உ.பி.யில் பாஜக சார்பில் போட்டியிட்ட 33 மக்களவை உறுப்பினர்களில் 20 பேர் தோல்வி.
*மகாராட்டிரா துணை முதலமைச்சர் தேவேந்திர பட்னாவிஸ் பதவி விலகும் முடிவுக்கு ஆர்.எஸ்.எஸ். எதிர்ப்பு. 2025 மாநில தேர்தல் வரை தொடர அறிவுரை.
* அயோத்தி, ஷ்ரவஸ்தி மற்றும் சித்ரகூட் ஆகிய மூன்று கோயில் நகரங்களை பாஜக இழந்தது, மதத்தை அரசியல் ரீதியாக பயன்படுத்தியதால் “ராமனின் சாபத்தால்” பாஜக இழந்தது என்று காங்கிரஸ் விமர்சனம்.
* மோடி தலைமையிலான அரசு ஜூன் 9 பதவி ஏற்கும் என தகவல்.

– குடந்தை கருணா