இதுதான் பாரத புண்ணிய பூமி? 2021இல் பெண்களுக்கு எதிரான வழக்குகள் 4.28 லட்சம்

புதுடில்லி, ஆக.31 கடந்த 2021-இல் பெண்களுக்கு எதிரான குற் றங்கள் தொடர்பாக 4.28 லட்சம் வழக்குகள் பதிவு செய்யப்பட்டுள் ளன. இது முந்தைய ஆண்டைவிட 15.3% அதிகம்.

இதுகுறித்து தேசிய குற்ற ஆவண காப்பக அறிக்கையில் கூறியிருப்பதாவது:

நாடு முழுவதும் பெண்களுக்கு எதிரான குற்றங்கள் தொடர்பாக கடந்த 2021ஆ-ம் ஆண்டில் 4.28 லட்சம் வழக்குகள் பதிவு செய்யப் பட்டுள்ளன. இது, 2020-ஆம் ஆண்டைக் காட்டிலும் 15.3% அதிகம் ஆகும். கரோனா பேரிடர் காரணமாக பொதுமுடக்கம் அமலில் இருந்த 2020-இல் 3.71 லட்சம் வழக்குகள் பதிவு செய் யப்பட்டன. இது, 2019இ-ல் பதிவான 4.05 லட்சம் வழக்கு களைவிட 8.3% குறைவாகும்.

கடந்த 2021-இல் இந்திய தண் டனைச் சட்டத்தின் கீழ் பெண் களுக்கு எதிராக பதிவு செய்யப் பட்ட குற்ற வழக்குகளில், கணவ ரால் அல்லது உறவினர்களால் கொடுமைப்படுத்தப்பட்ட வழக்கு களின் பங்கு 31.8% ஆக (1.36 லட்சம்வழக்குகள்) இருந்தது. இது, முந்தைய 2020 உடன் ஒப்பிடு கையில் 2% அதிகம்.கணவர் அல் லது நெருங்கிய சொந்தங்களால் பெண்கள் கொடுமைப்படுத்தப்பட் டது தொடர்பாக பதிவு செய்யப் பட்ட வழக்குகளின் பங்கு 2020-இல் 30 சதவீதம் ஆகவும், 2019இ-ல் 30.9% ஆகவும் இருந்தன.

பாலியல் வன்கொடுமை

மேலும், 2021-இல் பெண்களை குறிவைத்து தாக்கப்பட்டது தொடர்பான வழக்குகளின் பங்கு 20.8% ஆகவும், அதைத்தொடர்ந்து கடத்தல் (17.6%), பாலியல் வன் முறை (7.4%) ஆகிய பிரிவுகளில் பதியப்பட்ட வழக்குகளும் கணிச மான அளவில் இருந்தன.

2020இ-ல் பதிவு செய்யப்பட்ட மொத்த வழக்குகளில் பாலியல் வன்முறை தொடர்பான வழக்கு களின் பங்கு 7.5 சதவீதம் ஆகவும், 2019இ-ல் இது 7.9% ஆகவும் இருந் தன. எண்ணிக் கைஅடிப்படையில் கடந்த 2021இ-ல் பாலியல் வன் கொடுமை தொடர்பாக 31,677 வழக்குகள் பதிவு செய்யப்பட்டன. இதில், பாதிக்கப்பட்ட பெண்களில் 18 வயதுக்கும் குறைவானவர்கள் 3,038 பேரும். 6-12 வயது வரையில் 183 பேரும், 6 வயதுக்கும் குறைவா னோர் 53 பேரும் அடங்குவர்.

குழந்தைகளுக்கு எதிரான குற்றம்

2021இ-ல் குழந்தைகளுக்கு எதிரான குற்றங்கள் தொடர்பாக 1.49 லட்சம் வழக்குகள் பதிவு செய்யப்பட்டுள்ளன. 2020-இல் பதிவான வழக்குகளுடன் ஒப்பிடு கையில் இது 16.2% அதிகமாகும். 2021-இல் பதிவான குழந்தைகளுக்கு எதிரான மொத்த குற்ற வழக்கு களின் எண்ணிக்கையில் கடத்தல் தொடர்பாக பதிவான வழக்கு களின் பங்கு 45% ஆகவும், பாலியல் தொடர்பான வழக்குகளின் பங்கு 38.1 சதவீதம் ஆகவும் இருந்தன. இவ்வாறு அதில் கூறப்பட்டுள்ளது.