தகைசால் கி.வீரமணி ஆசிரியரின் 91 டிசம்பர் 2இன் பிறந்த தின - கவிமலர் - நல்வாழ்த்து

முத்தமிழ் திராவிடத்தாய் மடிதவழ்ந்த

மூதறிஞர் கி.வீரமணி-ஆசிரியர் மண்ணுதித்த

தித்திக்கும் பிறந்தநாளில் சிரமுயர்த்தி - வாழ்த்துகிறேன்.. 

திராவிடர்கள் உலகோரின் மூளை விலங்குடைத்த - போராளியே!

பத்தொன்பதின் இளைஞனாய் பவனிவரும் - பகுத்தறிவு பகலவனே!

பசுந்தமிழர் "நீதியாட்சி" அடித்தளமே - உமக்கு

எத்தனை பிறந்தநாள் இனிவரினும்

எப்போதும் பிறந்தாண்டே  "நூறு" - என வாழ்த்துவதால்

இணையருடன் இருநூறாய் தொடர்ந்திடவே-இதய வாழ்த்து!

நித்தமும் பெரியாரின் சிந்தனையை-உலகின்

நிலம்யாவும் விதைத்திடும் பகுத்தறிவு-நன்செயல்-உழவனே! 

மொத்தமாய் பார்ப்பனிய-பாசிச சனாதன களை ஒழிக்கும் போராளியே!

மோதிடும் "சமூகநீதி" காத்திடும்-ஏவுகணையே!

அத்தனை மனிதனும் சமத்துவம் பெற்றிட

அனைத்து ஜாதியோர் அர்ச்சகராக்கிய-நீங்கள்

வித்தாய் விதைத்த பெரியாரியலே-இன்று-உலகே

விரும்பிடும் நீதியாட்சி திராவிட-மாடலாட்சி

எத்தனைதான் அறிவியலார்படைப்பு இருந்தென்ன?

எல்லோர்க்கும் சுகவாழ்வு-சுதந்திரம் தந்தது-பொரியாரியலே...

மூத்தவர் திராவிட-தமிழனே பிறப்பால்-அறிவால்-உலகிலிதை 

முந்திவிட இன்றுவரை எவருமே பிறந்திட வில்லை

பத்துவயதின் பகுத்தறிவு படைப்பாளி - ஆசிரியர்

பார்போற்றும் கி.வீரமணி பேருழைப்பும், சிந்தனையும்

பல்லாண்டு தொடர்ந்திட நலம் வாழ இதயவாழ்த்து

பகுத்தறிவு கவிஞர் அமிர்தம், 

வாழப்பாடி