ஆளுநர் ஆர்.என்.ரவியை உடனே பதவி நீக்கம் செய்க! காரணங்களை அடுக்கி ஒன்றிய அரசுக்கு விசிக கோரிக்கை

சென்னை,ஜூலை1- ஆளுநர் ஆர்.என்.ரவியை உடனடியாகப் பதவி நீக்கம் செய்ய வேண்டும் என்று ஒன்றிய அரசுக்கு விடுதலைச் சிறுத்தைகள் கட்சி கோரிக்கை விடுத்துள்ளது.

இது தொடர்பாக விடுதலைச் சிறுத்தைகள் கட்சித் தலைவர் தொல்.திருமாவளவன் வெளியிட்டுள்ள அறிக்கையில்,

"ஆளுநர் ஆர்.என்.ரவி அப்பட் டமாக அரசமைப்புச் சட்டத்துக்கு எதிராக செயல்பட்டு வருகிறார். அதன் உச்சகட்டமாக அமைச்சர் ஒருவரைப் பதவி நீக்கம் செய்வதாக அறிவித்து பின்னர் அய்ந்து மணி நேரத்தில் அதை நிறுத்தி வைப்ப தாகத் தெரிவித்திருக்கிறார்.

ஆளுநர் பொறுப்பு வகிக்கும் ஒருவருக்கு இருக்க வேண்டிய நிதா னமும், மாண்பும், அரசியல் சட் டத்தை மதிக்கும் பண்பும் ஆர்.என்.ரவியிடம் இல்லை.

தொடர்ந்து அரசமைப்புச் சட்டத்தை அவம திக்கும் வகையில் செயல்பட்டு வருகிற அவரை உடனடியாகப் பதவி நீக்கம் செய்ய வேண்டும் என்று ஒன்றிய பாஜக அரசை விடுதலைச் சிறுத்தைகள் கட்சியின் சார்பில் வலியுறுத்து கிறோம்.

அரசமைப்புச் சட்டத்தின் உறுப்பு எண் 164-இல் ஒரு அமைச்சரை நியமிக் கவும், அவரது துறையை மாற்றவும், அவரைப் பதவி நீக்கம் செய்யவும் முதலமைச்சருக்கு மட்டுமே அதி காரம் அளிக்கப்பட்டுள்ளது. முதலமைச்சரின் பரிந்துரையின் படி ஆளுநர் அதை அறிவிக்க வேண்டும். ஆளுநரின் அதிகாரம் அவ்வளவுதான். இதற்கு மாறாக ஆளுநரே ஒரு அமைச்சரை பதவி நீக்கம் செய்வது இந்தியாவில் முதன்முறையாக அரங்கேறியுள்ள கேலிக்கூத்தாகும்.

இந்தியா சுதந்திரம் அடைந்து 75 ஆண்டுகளில் எத்தனையோ மாநில அரசுகள் ஒன்றிய அரசால் கலைக்கப்பட்டிருக்கின்றன. அரசமைப்புச் சட்ட உறுப்பு 

356-அய் பயன்படுத்தி விருப்பம் போல மாநில அரசுகளைக் கலைப்பதற்கு உச்ச நீதிமன்றம் 1994ஆம் ஆண்டு எஸ்.ஆர்.பொம்மை வழக்கில் பல தடைகளை விதித்தது. அதன் பிறகு அப்படி மாநில அரசு களைக் கலைப்பது குறைந்து விட்டது.

இந்தியா சுதந்திரமடைந்து இந்த 75 ஆண்டுகளில் மாநில அரசுகள் கலைக்கப்பட்டிருந் தாலும்  ஒரு மாநில அமைச்சரை ஆளுநர் பதவி நீக்கம் செய்ததாக எந்த முன்னுதாரணமும் கிடை யாது. ஏனென்றால், அதற்கு சட்டத்தில் இடம் இல்லை.

இதுவரை முன்னுதாரணம் இல்லாத ஒரு நடவடிக்கையை ஆளுநர் மேற்கொள்ளும்போது அதற்குரிய சட்ட ஆலோசனை களை அவர் பெற்றிருக்க வேண்டும். 

ஒன்றிய அரசைக் கலந்தாலோ சித்திருக்க வேண்டும். இது எதை யும் செய்யாமல், அரசமைப்புச் சட்டத்தைப் பற்றிய புரிதலும் இல்லாமல் ஆர்.என்.ரவி எடுத்த நடவடிக்கை இப்பொழுது ஒன்றிய அரசுக்குத் தலைக்குனிவை ஏற் படுத்தி உள்ளது.

ஆளுநரின் நிதானமற்ற அணுகு முறையைக் கண்டு ‘இவர் சீரான மனநிலையில் தான் இருக்கிறாரா?’ என்று அய்யப்படுகின்றனர். இத் தகைய தன்மை கொண்ட ஒருவரை ஆளுநர் போன்ற அரசமைப்புச் சட்ட முக்கியத்துவம் வாய்ந்த பதவியில் நீடிக்க விடுவது இந்திய நாட்டுக்கே கேடாக முடியும். 

எனவே, ஆளுநர் ஆர்.என்.ரவியை உடனடியாகப் பதவி நீக்கம் செய்ய வேண்டும் எனவும், இனிமேல் ஆளு நர்களை நியமிக்கும் போது 'பூஞ்சி கமிஷன்' அளித்துள்ள பரிந்துரையின்படி மாநில முதலமைச்சர் களைக் கலந்தாலோசித்து நியமிக்க வேண்டும் என்றும் ஒன்றிய பாஜக அரசை வலியுறுத்துகிறோம்.

ஆளுநரின் நடவடிக்கையால் எழுந்துள்ள சட்டரீதியான பிரச் சினையை, குறிப்பாக, அரசமைப்புச் சட்டத்தைச் சிக்கலுக்குள்ளாக்கும் நிலையை, நீதிமன்றம் மூலம் எதிர் கொள்வதோடு, ஆர்.என்.ரவி விடுத்துள்ள அரசியல் ரீதியான சவாலை மக்கள் மன்றத்தில் எதிர் கொள்வதற்கும் முதலமைச்சர் உரிய நடவடிக்கையை எடுக்க வேண்டும் எனக் கேட்டுக் கொள் கிறோம்" என்று அவர் கூறியுள்ளார்.