டில்லி துணைநிலை ஆளுநர் - டில்லி முதலமைச்சர் மோதல் - அடுத்த கட்டம்

உச்சநீதிமன்றத்தில் ஆம் ஆத்மி அரசு புதிய வழக்கு

புதுடில்லி,  மே 13 அய்ஏஎஸ் அதிகாரி நியமன விவகாரம் தொடர்பாக உச்ச நீதிமன்றத்தில் ஆம் ஆத்மி அரசு புதிய வழக்கை தொடர்ந்துள்ளது. டில்லியில் ஆட்சி நடத்தும் ஆம் ஆத்மி அரசுக் கும் துணைநிலை ஆளுநருக்கும் இடையே மோதல்கள் ஏற்பட்டு வந்தன. இதுதொடர்பான வழக்கை விசாரித்த உச்ச நீதிமன்றத்தின் அரசியல் சாசன அமர்வு நேற்று முன்தினம் (11.5.2023) தீர்ப்பளித்தது. 

‘டில்லி துணைநிலை ஆளுநரை விட மக்களால் தேர்ந்தெடுக்கப்பட்ட அரசுக்கே அதிகாரம் உள்ளது. பொது ஒழுங்கு, காவல் துறை, நிலம் விவகாரங்களை தவிர்த்து இதர அனைத்து அதிகாரங்களும் டில்லி அரசுக்கு உள்ளது. அய்ஏஎஸ் அதி காரிகள் அவரவர் துறை சார்ந்த அமைச்சர்களுக்கு கட்டுப்பட்டு நடக்க வேண்டும்" என்று உச்ச நீதிமன்றம் தீர்ப்பளித்து உள்ளது. இந்த தீர்ப்பு வெளியான சில மணி நேரங்களில் டில்லி அரசின் சேவைத் துறை செயலாளர் ஆசிஷ் மோரே பதவியில் இருந்து நீக்கப்பட்டு, அந்த பதவியில் மூத்த அய்ஏஎஸ் அதிகாரியான ஏ.கே.சிங் நியமிக்கப் பட்டார். ஆனால் இந்த பணி நியமன உத்தரவை அமல்படுத்த ஒன்றிய அரசு மறுப்பதாக குற்றம் சாட்டி ஆம் ஆத்மி அரசு தரப்பில் உச்ச நீதிமன்றத்தில்  புதிய வழக்கு தொடரப்பட்டது. இந்த வழக்கு தலைமை நீதிபதி சந்திரசூட் அமர்வு முன்பு நேற்று (12.5.2023) விசாரணைக்கு வந்தது. ஆம் ஆத்மி அரசு தரப்பில் மூத்த வழக்குரைஞர் அபிஷேக் சிங்வி ஆஜரானார். அவர் கூறும்போது, “அய்ஏஎஸ் அதிகாரிகளை இடமாற்றம் செய்ய டில்லி அரசுக்கு அதிகாரம் உள்ளது என்று உச்ச நீதிமன்றம் தீர்ப்பளித் துள்ளது. ஆனால் இந்த தீர்ப்பை அமல்படுத்த ஒன்றிய அரசு மறுக் கிறது. டில்லி அரசின் சேவைத் துறை செயலாளராக ஏ.கே.சிங்கை ஆம் ஆத்மி அரசு நியமித்துள்ளது. இந்த நியமனத்துக்கு ஒப்புதல் வழங்க துணை நிலை ஆளுநர் மறுக்கிறார். இது நீதிமன்ற அவ மதிப்பு ஆகும். இதனை உடனடியாக விசாரிக்க வேண்டும்" என்று வாதிட்டார். புதிய வழக்கை விசா ரிக்க புதிதாக அமர்வு உருவாக்கப் படும். அடுத்த வாரம் வழக்கு விசாரணைக்கு எடுத்துக் கொள்ளப் படும் என்று தலைமை நீதிபதி சந்திரசூட் உறுதி அளித்தார்.

 இதுகுறித்து ஒன்றிய அரசு வட்டாரங்கள் கூறியதாவது: உச்ச நீதிமன்றத்தின் அறிவுறுத் தலின்படி டில்லி அரசு தரப்பில் கடந்த 2014ஆ-ம் ஆண்டில் "சிவில் சர்வீஸ் போர்டு" (சிஎஸ்பி) அமைக் கப்பட்டது. அய்ஏஎஸ் அதிகாரி களை இடமாற்றம் செய்யும் முன்பாக இந்த குழு ஆய்வு செய்ய வேண்டியது அவசியம். ஆசிஷ் மோரே விவகாரத்தில் சிஎஸ்பி குழுவின் பரிசீலனை இல்லாமல் டில்லி அரசு உத்தரவு பிறப்பித்து இருக்கிறது. இது சட்ட விதிமீறல். இதை உச்ச நீதிமன்றத்தில் எடுத் துரைப்போம். இவ்வாறு ஒன்றிய அரசு வட்டாரங்கள் தெரிவித் துள்ளன.