பேசும் பேனா!

கதைகள் தீட்டிய

பேனா

கவிதைகள் புனைந்த

பேனா

காலத்தால் அழியாத

கருத்துநிறை 

கதை வசனம் எழுதி

அழியாப் புகழ் பெற்ற

பேனா

ஆயிரமாய் உடன்பிறப்பு

கடிதம் எழுதி

ஆனந்தமாய் தொண்டர்

உள்ளம் தினம் மகிழ

உழைத்திட்ட கலைஞர்

பேனா

குறளோவியம் எழுதி

குற்றம் பல சுட்டிக் காட்டி

குறையாத வளமிக்க

பேனா

காலத்தால் அழியாத

கலை வடிவங்கள்

நினைவுச் சின்னங்கள்

அமைத்திட எழுதிய

பேனா

ஏழைகள் வாழ்க்கை

ஏற்றம் பெற 

நலத்திட்டங்கள் பலவும்

நடைமுறைப் படுத்த

எண்ணங்கள் எழுதிட்ட

பேனா

உண்மை பல சொன்ன

பேனா

உள்ளம் கவர் தலைவர்

பேனா

ஆட்சி பல கண்ட

பேனா

ஆற்றல் மிக்க எழுத்தால்

அழியாத இடம் பெற்ற

கலைஞர் பேனா! 

இதில் அட்டி என்ன? 

வெட்டி உளறல்  என்ன? 

தமிழ்நாடு தமிழ் மக்கள்

தமிழ் மொழி உயர்ந்திட

இறுதி வரை உழைத்த

முத்தமிழறிஞருக்கு

அமைப்போம் பேனா

நினைவுச்சின்னம்!! 

தொடரட்டும் திராவிட

மாடல் நல்லாட்சி!!! 

- ச.மணிவண்ணன், துறையூர்