பொறியியல் - வணிகம் - மனிதநேயம் உயர்கல்விக்கான நுழைவுத் தேர்வு

சென்னை, பிப். 7- சிவ் நாடார் பல்கலைக்கழகம் சென்னை 2023 அமர்வுக்கான நுழைவுத் தேர்வுகளை அறிவித்துள்ளது. சென்னை, டில்லி, மும்பை, கோவை, மதுரை, பெங்களூர், அய்தராபாத், விஜயவாடா, திருவனந்தபுரம் மற்றும் கொல்கத்தா ஆகிய 10 நகரங்களில் நுழைவுத் தேர்வுகள் நடைபெற உள்ளன. எந்தவொரு குறிப்பிட்ட பாடத் திட்டத்திற்கும் ஒரு விண்ணப்பதாரர் ஒருமுறை மட்டுமே தேர்வில் பங்கேற்க முடியும். பிப்ரவரி 6 முதல் மார்ச் 31, 2023 வரை <https://www.snuchennai.edu.in/>இல் பதிவு செய்வதற்கான படிவம் கிடைக்கும்.

இந்த அறிவிப்பு பற்றி தனது எண்ணங்களை பகிர்ந்து கொண்ட, இப்பல்கலைக்கழகத்தின் துணைவேந்தர் பேராசிரியர் சிறீமன் குமார் கூறுகையில், “புதிய யுகத்தில் வெற்றிபெற தேவையான திறன்கள் மற்றும் அறிவுடன் எங்கள் மாணவர்களை ஆயத்தப்படுத்தும் புதுமையான பொறியியல், மேலாண்மை மற்றும் மனிதநேய திட்டங்களை வழங்குவதில் பெருமிதம் கொள்கிறோம். 2023 ஆம் ஆண்டுக்கான நுழைவுத் தேர்வு தேதிகள் அறிவிக்கப்பட்டுள்ளதால், திறமை யான மற்றும் ஊக்கமளிக்கும் நபர்களின் புதிய குழுவை வரவேற்க நாங்கள் ஆர்வமாக உள்ளோம்.”

இந்த பல்கலைக்கழகம் பொறியியல், வணிகம் மற்றும் மனிதநேயம் ஆகிய துறைகளில் ஆறு சிறப்பு இளங்கலை பாடத்திட்டங்களை வழங்குகிறது. இந்த சமகால திட்டங்கள் தொழில் சார்ந்த, அறிவு மற்றும் திறன்களை வளர்க்கும், இது இந்தியாவிலும் வெளிநாட்டிலும் வளரும் தொழில் அல்லது கல்வி தளத்தில் மாணவர்கள் நுழையவும் சிறந்து விளங்கவும் உதவும் என அவர் தெரிவித்துள்ளார்.