வெற்றியின் நுழைவு வாயிலில் நிற்கும் ‘விடுதலை' வேங்கைகளே!

கழகச் செயல் வீரர்களும், வீராங்கனை களும் களத்தில் இறங்கி, முழு மூச்சாக, தங்களது செயல் திறனைக் காட்டவேண்டிய அவசிய தருணம் இது!

ஆம்; ‘விடுதலை'  வரலாற்றில் உங்களது அயராத உழைப்பும், தளராத முயற்சிகளும், நிச்சயம் வெற்றி வாகை சூடும் என்பது உறுதி! உறுதி!!

‘‘நம்மால் முடியாதது வேறு யாராலும் முடியாது;

வேறு யாராலும் முடியாதது நம்மால் மட்டுமே முடியும்!''

- இவை சூளுரைகளா? சோர்விலா சாதனைகளுக்கான முன்னுரிமை தோழர்களே!

இந்தத் திருப்பு முனையில் உங்கள் பங்களிப்பை - உழைப்பை - சந்தாக்களின் அளவுப் பெருக்கத்தின்மூலமே காட்டிட இப்போது கிட்டியுள்ள அரிய சந்தர்ப்பம்.

இதனை செயல் மலர்களாக்கிக் காட்ட - சேதாரம் இன்றி இலக்கை எட்ட, மற்ற பணிகளை ஒதுக்கி வையுங்கள்!

‘‘வீடுதோறும் ‘விடுதலை'!'' - 

இதுவே நம் திருப்பு முனைப் பணி!

திக்கெட்டும் செல்லுங்கள் - வெட்கப்படா தீர்கள்!

விரைந்து செயலாற்றுங்கள்!

10,000 பேர் 6 சந்தா - இலக்கு 

முடித்துவிட முடியாதா?

இனமான இன்ஜெக்ஷனை - ஊசியை தினமும் செலுத்தவே ‘‘வீடுதோறும் விடுதலை'' தேவை - ‘திராவிட மாடல்' ஆட்சியின் மாட்சியைச் சொல்வோம்!

ஜாதி, மூடநம்பிக்கையற்ற புது உலகை நிறுவவும் ‘விடுதலை' மக்கள் ஏடாக மலர்ந் தால், நாடு பெரிதும் பயன் அடையும்!

ஓய்வின்றி உழையுங்கள்!

வெற்றி உமதே!

கி,வீரமணி

தலைவர்,

திராவிடர் கழகம்

சென்னை

28.7.2022