பொறியியல், கலை, அறிவியல் கல்லூரிகளில் சேர்க்கை ஜூலை 27-க்குள் விண்ணப்பிக்கலாம்

சென்னை, ஜூலை 23- அரசு பொறியியல், கலை மற்றும் அறிவியல் கல்லூரிகளில் சேருவதற்கு மாண வர்கள் ஜூலை 27ஆம் தேதிக்குள் விண்ணப்பிக்க வேண்டும் என்று உயர்கல்வித் துறை அறிவித்துள்ளது.

தமிழ்நாட்டில் அண்ணா பல்கலைக்கழகத்தின் கீழ் 440-க்கும் மேற்பட்ட பொறியியல் கல்லூரிகள் இயங்கி வருகின்றன. இந்த ஆண்டு பொறியியல் கலந்தாய்வு தொழில்நுட்பக்கல்வி இயக்குநர கம் மூலம் ஆக.16 முதல் அக்.14ஆம் தேதி வரை நடத்தப்பட உள்ளது.

இதற்கான இணையதள விண்ணப்பப்பதிவு கடந்த ஜூன் 20ஆம் தேதி தொடங்கி நடைபெற்று வருகிறது. இதற்கிடையே, சிபிஎஸ்இ பிளஸ் 2 பொதுத்தேர்வு முடிவுகள் வெளியீடு தாமதம் காரணமாக பொறியியல், கலை மற்றும் அறிவியல் படிப்புகளின் விண்ணப்பப் பதிவுக்கான காலஅவகாசம் தொடர்ந்து நீட்டிக்கப் பட்டு வந்தது.

இந்நிலையில் சிபிஎஸ்இ பொதுத் தேர்வு முடிவுகள் வெளியான தைத் தொடர்ந்து, உயர்கல்வித் துறை வெளியிட்டுள்ள அறிவிப்பில், ‘‘சிபிஎஸ்இ 12ஆம் வகுப்பு மாணவர்களுக்கான பொதுத்தேர்வு முடிவுகள் தற்போது வெளியிடப்பட்டுள்ளது. எனவே, பொறியியல், கலை, அறிவியல் கல்லூரிகளில் முதலாமாண்டு மாணவர் சேர்க்கைக் கான விண்ணப்பங்களை ஜூலை 27ஆம் தேதி வரை சமர்ப்பிக்க கால நீட்டிப்பு வழங்கப்பட்டுள்ளது’’ என்று கூறப் பட்டுள்ளது.

இதற்கிடையே, பொறியியல் சேர்க்கையில் விளையாட்டுப் பிரிவுக்கான சான்றிதழ் சரிபார்ப்பு சென்னை கிண்டியில் உள்ள அண்ணா பல்கலை. வளாகத்தில் ஆக.1 முதல் 7ஆம் தேதி வரை நடைபெறும் என்று தொழில்நுட்பக்கல்வி இயக்குநரகம் அறிவித்துள்ளது.