1991ஆம் ஆண்டைவிட மிக மோசமான நிலையை நாடு எதிர்நோக்கியுள்ளது மேனாள் பிரதமர் மன்மோகன் சிங்

புதுடில்லி. ஜூலை 28 1991ஆம் ஆண்டை விட மிகவும் மோசமான அல்லது ஆபத்தான நிலையை நாடு எதிர்நோக்கியுள்ளதாக மேனாள் பிர தமர் மன்மோகன் சிங் தெரிவித்துள் ளார்.

மேனாள் பிரதமர் பி.வி. நரசிம்மராவ் தலைமையிலான அரசில் நிதி அமைச் சராக இருந்த மன்மோகன் சிங் இந்தி யாவின் பொருளாதார நெருக்கடியை தீர்க்க 1991ஆம் ஆண்டு ஜூலை 23ஆம் தேதி பொருளாதார தாராளமய கொள்கையை அறிமுகப்படுத்தினார்.

பொருளாதார தாராளமயமாக் கலின் 30ஆவது ஆண்டு நிறைவ டைந்ததை ஒட்டி மன்மோகன் சிங்  அறிக்கை வெளியிட்டுள்ளார்.

ஒவ்வொரு இந்தியனுக்கும் ஆரோக் கியமான மற்றும் கண்ணியமான வாழ்க்கைக்கு முன்னுரிமை அளிக்கப் பட வேண்டும்.  1991 பொருளாதார சீர்திருத்தங்கள் கோடிக்கணக்கான மக் களை வறுமையிலிருந்து மீட்டுள்ளது. பொதுமக்களுக்கு பயனுள்ள இலவச திட்டங்களை முன்னிலைப் படுத்தியது, மேலும் இந்தியாவை 3 டிரில்லியன் டாலர் பொருளாதாரமாக மாற்றியது.

ஆனால் தற்போது நாடு 1991ஆம் ஆண்டை விட மிகவும் மோசமான அச்சுறுத்தலை எதிர்நோக்கி உள்ளது என்று அந்த  அறிக்கையில் குறிப்பிட் டுள்ளார்.

“கடந்த மூன்று தசாப்தங்களில் நமது தேசம் அடைந்துள்ள அபரிமித மான பொருளாதார முன்னேற்றத்தை பெருமிதத்துடன் திரும்பிப் பார்ப்பது எங்களுக்கு மிகுந்த மகிழ்ச்சியைத் தருகிறது. ஆனால் கோவிட்-19 தொற்றுநோயால் ஏற்பட்ட பேரழிவு மற்றும் மில்லியன் கணக்கான சக இந்தியர்களின் இழப்பைக் கண்டு நான் மிகவும் வருத்தப்படுகிறேன். உயிர்கள் மற்றும் வாழ்வா தாரங்கள் இழந்திருக்கக் கூடாதவை. சுகாதாரம் மற்றும் கல்வி ஆகிய சமூகத் துறைகள் பின் தங்கிவிட்டன மற்றும் நமது பொருளா தார முன்னேற்றத்திற்கு ஏற்ப வேகத்தில் செல்லவில்லை” என்று மன்மோகன் சிங் கூறியுள்ளார்.

“இது  மகிழ்ச்சிக்கான நேரம் அல்ல, ஆனால் சுயபரிசோதனை மற்றும் சிந்திக்க வேண்டிய நேரம். முன்னோக்கி செல்லும் பாதை. 1991 _ நெருக்கடியின் போது இருந்ததை விட மிகவும் அச்சுறுத்தலாக உள்ளது. ஒவ்வொரு இந்தியனுக்கும் ஆரோக்கியமான மற்றும் கண்ணியமான வாழ்க்கையை உறுதி செய்வதற்காக ஒரு தேசமாக நமது முன்னுரிமைகள் மறுபரிசீலனை செய்யப்பட வேண்டும்,'' என்று அவர் மேலும் கூறினார்.

“கடந்த முப்பது ஆண்டுகளாக அடுத்தடுத்து வந்த அரசாங்கங்கள், நமது நாட்டை 3 டிரில்லியன் டாலர் பொரு ளாதாரத்திற்கும், உலகின் மிகப்பெரிய பொருளாதார நாடுகளின் வரிசையில் கொண்டு செல்லவும் இந்தப் பாதை யைப் பின்பற்றி வருகின்றன. மிக முக்கியமாக, இந்த கால கட்டத்தில் ஏறக்குறைய 300 மில்லியன் சக இந் தியர்கள் வறுமையில் இருந்து மீட் கப்பட்டுள்ளனர், மேலும் நமது இளை ஞர்களுக்கு நூற்றுக்கணக்கான மில் லியன் புதிய வேலைகள் வழங்கப் பட்டுள்ளன,” என்று அவர் கூறினார்.

தாராளமயமாக்கல் ஒரு பொரு ளாதார நெருக்கடியால் தூண்டப்பட் டாலும், அது “வளர்ச்சி அடையும் ஆசை, நமது திறன்கள் மீதான நம்பிக்கை மற்றும் பொருளாதாரத்தின் மீதான அரசின் கட்டுப் பாட்டை  விட்டுக் கொடுப் பதற்கான நம்பிக்கை” ஆகி யவற்றின் அடிப்படையில் கட்ட மைக்கப்பட்டது என்றும் தெரிவித்துள்ளார்.

தாராளமயமாக்கல் செயல்முறை சில உலகத் தரம் வாய்ந்த நிறுவனங்களை உருவாக்க உதவியது மற்றும் இந்தியா பல துறைகளில் உலகளாவிய சக்தியாக உருவெடுத்துள்ளது, என்றார்.

“இந்தச் சீர்திருத்தச் செயல்பாட்டில் காங்கிரஸ் கட்சியில் உள்ள எனது பல சகாக்களுடன் இணைந்து பங்கு வகிக்கும் வாய்ப்பு எனக்கு கிடைத்தது” என்று மன்மோகன் சிங் குறிப்பிட்டார்.

தனது நிதிநிலை அறிக்கை உரையை நினைவு கூர்ந்த டாக்டர். சிங், “1991இல் நிதிய மைச்சராக இருந்த நான், எனது பட் ஜெட் உரையை, “யாருக்கும் அவ ருக்கான நேரம் வந்துவிட்டால் பூமி யில் உள்ள எந்த சக்தியாலும் அதை தடுத்துவிட முடியாது” என்ற விக்டர் ஹ்யூகோ-வின் வரிகளை மேற்கோள் காட்டி நிறைவுசெய்தேன்.

ஒரு தேசமாக, 30 ஆண்டுகளுக்குப் பிறகு, “நான் நிறைவேற்ற வேண்டிய வாக்குறுதிகள் இன்னும் உள்ளது, நான் ஓய்வெடுப்பதற்கு முன் இன்னும் நீண்ட தூரம் செல்லவேண்டியுள்ளது” என்ற ராபர்ட் ஃப்ரோஸ்டின் கவிதையை நாம் நினைவில் கொள்ள வேண்டும் என்று தனது அறிக்கையில் கூறியுள் ளார்.