கப்பல் படைக்கு தலைமையேற்க தேர்வான படுகர் சமுதாய பெண்

ஊட்டி, ஜூன் 3- நீலகிரி மாவட்டம் ஊட்டி பகுதியில் பழங்குடியினத் தவரான மாலதி கப்பல் படை தலைமைப் பொறுப்பில் தேர்வாகி யுள்ளார். 

நீலகிரி மாவட்டம், ஊட்டி அருகே கேத்தி கிராமத்தில் உள்ள அச்சனக்கல் பகுதியைச் சேர்ந்தவர் ரவீந்திரநாத். இராணுவ மருத்துவ மனையில் தொழில்நுட்ப நிபுணர் நீலகிரி மாவட்டம் வெலிங்டன் இராணுவ மருத்துவமனை மட்டு மின்றி நாட்டின் பல்வேறு இரா ணுவ மருத்துவமனைகளில் பணியாற்றியுள்ளார்.

ரவீந்திரநாத்-மாலதி ஆகி யோரின் மகள் மீரா (வயது23) கடந்த ஆண்டு நடந்த ஒருங் கிணைந்த இராணுவப் பணிகளுக் கான தேர்வினை எழுதி, கப்பல் படைக்கான பிரிவில் தேர்ச்சி பெற்றார். மீராவுக்கு கேரள மாநிலம் கண்ணூர் அருகே உள்ள எஜிமாலா கப்பல் படைத் தளத்தில் பயிற்சி அளிக்கப்பட்டது. 6 மாதப் பயிற்சியில் பங்கேற்றார். பயிற்சிகள் அனைத்தும் முடிந்துவிட்ட நிலையில் மீரா விரைவில் கப்பல் படைக்கு அதிகாரியாக தலைமை ஏற்க உள்ளார்.

பயிற்சியை முடித்த அவர்  தனது பெற்றோருடன், தனது சொந்த ஊரான நீலகிரியில் உள்ள அச்சனக்கல்லுக்கு வந்தார். அங்கு அவருக்கு அந்த ஊர் மக்கள் உற்சாக வரவேற்பு கொடுத்தனர். மேனாள் இராணுவ வீரர்கள் அமைப்பு சார்பில் அவருக்கு பாராட்டு விழா நடந்தது. மீராவுக்கு ஊட்டி ஒன்றிய தலைவர் மாயன் பொன்னாடை அணிவித்து சிறப்பு செய்து வாழ்த்துகளை தெரிவித்தார்.

இதுகுறித்து மீரா கூறியதாவது:-

எனது தந்தை இராணுவத்தில், பணியாற்றியதால் எனக்கும் இந்திய இராணுவத்தில் சேர்ந்து பணியாற்ற வேண்டும் என்ற ஆசை சிறுவயதிலேயே இருந்தது.

தற்போது கண்ணூரில் உள்ள தேசிய கப்பல்படை பயிற்சி மய்யத் தில் 6 மாத பயிற்சியை முடித் துள்ளேன்.

இதை தொடர்ந்து சப்-லெப்டி னென்ட் என்ற கப்பல் படை அதி காரி பதவி வழங்கப்பட்டு கொச் சியில் உள்ள கப்பல்படை தளத்தில் பணியமர்த்தப்பட்டுள்ளேன்.

-இவ்வாறு அவர் கூறினார்.

இராணுவ பணி என்றாலே அதில் பெண்களுக்கு அதிகளவில் விருப்பம் இருக்காது என்பதும், குறிப்பாக நீலகிரி போன்ற மலை மாவட்டங்களை சேர்ந்த பெண் களுக்கு வாய்ப்புகள் அதிகளவில் இருக்காது என்பதையெல்லாம் தகர்த்து படுகர் சமுதாயத்தில் இருந்து கப்பல் படையில் அதிகாரி யாக தேர்வு செய்யப்பட்டுள்ளார் என்பது குறிப்பிடத்தக்கது.

படுகர் சமுதாயத்தில் இருந்து கப்பல் படையில் அதிகாரியாக தேர்வு செய்யப்பட்டுள்ள மீரா வுக்கு பல்வேறு தரப்பினரும் தங் களது வாழ்த்துக்களை தெரிவித்து வருகிறார்கள்.