4ஆம் தேதி வரை தமிழ்நாட்டில் தென்மேற்கு பருவமழை

சென்னை, ஜூன் 1- தமிழ்நாட்டில் கடும் கோடை காலம் முடிவுக்கு வந்ததை அடுத்து, தற்போது கேரளாவில் தென் மேற்கு பருவமழை பெய்ய தொடங்கியுள்ளது. இது தமிழ்நாட்டிலும் பெய்யத் தொடங்கியுள்ளது. 

இந்நிலையில், கேரளாவில் தொடங்கியுள்ள தென் மேற்கு பருவமழை தென் தமிழ்நாடு மற்றும் வட  தமிழ்நாட் டின் உள் மாவட்டங்களின் சில பகுதிகளிலும் பரவியுள்ளது.

அதன் காரணமாக 4ஆம் தேதி வரை தமிழ்நாட்டிலும், புதுச்சேரி பகுதிகளில் மழை பெய்யும். சென்னையில் வானம் பொதுவாக மேகமூட்டத்துடன் காணப்படும். இவ்வாறு வானிலை ஆய்வு மய்யம் தெரிவித்துள்ளது.

குற்ற வழக்கில் சம்பந்தப்பட்டவருக்கு கடவுச்சீட்டு 

நீதிமன்றம் முக்கிய அறிவிப்பு

சென்னை, ஜூன் 1   திருச்சியை சேர்ந்த ஷேக் அப்துல்லா என்பவர் மலேசியாவில் தொழில் செய்து வருகிறார். தனது கடவுச்சீட்டு தொலைந்துவிட்ட நிலையில், இந்தியா திரும்புவதற்காக தனக்கு புதிய கடவுச்சீட்டு வழங்கக்கோரி மலேசியாவில் உள்ள இந்திய தூதரகத்தில் விண்ணப்பித்தார். 

ஆனால், அவர் கடந்த  2017 மற்றும் 2018 ஆண்டுகளில் திருச்சியில் இருந்தபோது சில குற்ற வழக்குகளில் சம்பந்தப் பட்டுள்ளதாக கூறி அவருக்கு கடவுச்சீட்டு வழங்க மலேசி யாவில் உள்ள இந்திய தூதரகம் மறுத்துவிட்டது.இந்த உத்தரவை எதிர்த்தும் தனக்கு கடவுச்சீட்டு வழங்குமாறு உத்தரவிடக்கோரியும் ஷேக் அப்துல்லா சென்னை உயர் நீதிமன்றத்தில் மனுதாக்கல் செய்திருந்தார்.

இந்த மனு நீதிபதி ஜி.ஆர்.சுவாமிநாதன் முன்பு விசார ணைக்கு வந்தது. வழக்கை விசாரித்த நீதிபதி, குற்ற வழக்கு பதிவு செய்யப்பட்டு அந்த வழக்கில் முதல் தகவல் அறிக்கை தாக்கல் செய்யப்பட்ட நிலையில் இருந்தால் கடவுச்சீட்டு வழங்க எந்த தடையும் இல்லை.ஆனால் இந்தியா வருவதற்காக கடவுச்சீட்டு கோரினால் நீதிமன்றத் தின் அனுமதி தேவையில்லை. எனவே, மனுதாரர் தனக்கு கடவுச்சீட்டு கோரி மலேசியாவில் உள்ள இந்திய தூதரகத் திடம் மீண்டும் விண்ணப்பிக்க வேண்டும். அந்த விண்ணப் பத்தை ஏற்றுக்கொண்டு உடனடியாக அவருக்கு இந்திய தூதகரகம் கடவுச்சீட்டு வழங்க வேண்டும் என்று உத்தரவிட்டார்.