பொறியியல் மாணவர்களுக்கு 28ஆம் தேதி பருவத் தேர்வு: அண்ணா பல்கலைக்கழகம் அறிவிப்பு

சென்னை, ஜூன் 10 பொறியியல் மாணவர்களுக்கான செமஸ்டர் தேர்வு வருகிற 28ஆம் தேதி தொடங்கும் என அண்ணா பல்கலைக்கழகம் அறிவித்துள்ளது. 

இதுகுறித்து, அண்ணா பல்கலைக்கழகம் வெளியிட்ட பருவத்தேர்வு அட்டவணையில் கூறியிருப்பதாவது: அண்ணா பல்கலைக்கழகத்தின் கீழ் இயங்கும் பொறியியல் கல்லூரிகளில் பி.இ., பி.டெக்., பி.ஆர்க் பயிலும் மாணவர்களுக்கான பருவமுறைத் தேர்வு ஜூன் 28ஆம் தேதி தொடங்குகிறது. 

வருகிற 18ஆம் தேதி செய்முறை தேர்வு தொடங்கும். அதேபோல், முதுநிலை எம்.ஆர்க் படிப்புகளுக்கு ஜூலை 5ஆம் தேதி செய்முறை தேர்வும், ஜூலை 18ஆம் தேதி முதல் எழுத்து தேர்வுகளும் தொடங்குகின்றன. மேலும் எம்.இ., எம்.டெக்., எம்சிஏ, எம்பிஏ உள்ளிட்ட முதுநிலை படிப்புகளில் கடைசி பருவத் தேர்வு எழுதும் மாணவர்களுக்கு செய்முறைத் தேர்வு செப்டம்பர் 5, 6ஆம் தேதிகளில் நடைபெறும். இவ்வாறு அதில் கூறப்பட்டுள்ளது.