அம்பேத்கர் சட்டப் பல்கலைக்கழகம் துணைவேந்தர் நியமனம் சட்டப்பேரவையில் அமைச்சர் ரகுபதி மசோதா தாக்கல்

சென்னை, மே 6  சென்னை அம்பேத்கர் சட்டப்பல்லைக் கழகத்திற்கு துணை வேந்தரை நியமிக்க மாநில அரசுக்கு அதிகாரம் அளிக்கும் மசோதாவை சட்டத்துறை அமைச்சர் ரகுபதி நேற்று (5.5.2022) பேரவையில் தாக்கல் செய்தார்.

தமிழ்நாட்டில் உள்ள மாநில பல் கலைக் கழகங்களின் துணைவேந்தர்களை மாநில அரசே நியமிக்க அதிகாரம் அளிக்கும் சட்ட மசோதா கடந்த வாரம் தமிழ்நாடு  சட்டப்பேரவையில் தாக்கல் செய்யப்பட்டது. இதனைத் தொடர்ந்து புதிதாக அமைய உள்ள சித்த மருத்துவ பல்கலைக்கழகத்தின் வேந்தராக முதல மைச்சர் இருக்கும் வகையில் சட்ட மசோதா தாக்கல் செய்யப்பட்டு நிறை வேற்றப்பட்டது.

இந்நிலையில் நேற்றைய தினம் சென்னை அம்பேத்கர் சட்டப்பல்லைக் கழகத்திற்கு துணைவேந்தரை நியமிக்க மாநில அரசுக்கு அதிகாரம் அளிக்கும் மசோதா சட்டப்பேரவையில் தாக்கல் செய்யப்பட்டது. கேள்வி நேரம் முடிந்த அம்பேத்கர் சட்டப்பல்லைக்கழகத்திற்கு துணைவேந்தரை நியமிக்க மாநில அரசுக்கு அதிகாரம் அளிக்கும் மசோதாவை சட்டத்துறை அமைச்சர் ரகுபதி பேரவையில் தாக்கல் செய்தார்.