மின்சார இணைப்பை மாற்ற இணைய தள வசதி அறிமுகம்

சென்னை, மே 5 காலதாமதமின்றி பணிகளை விரைவுப்படுத்த மின்சார இணைப்பை கட்டணத்தை மாற்ற இணைய தள வசதி அறிமுகம் செய்யப்பட் டுள்ளது.

தமிழ்நாடு மின்சார வாரியத்தில் புதிய இணைப்பு பெறுவது உள்ளிட்ட பல்வேறு சேவைகளை பெறு வதற்கு இணையம் மூலம் விண்ணப்பிக்கும் முறை இருந்து வருகிறது.

இதில் வீட்டு இணைப்பை வணிக இணைப்பாக மாற்றுவது உள்ளிட்ட கட்டண விகிதங்களை மாற்று வதற்கும் தற்போது இணையம் மூலம் விண்ணப்பிக்கும் முறை அமல்படுத்தப்பட்டு உள்ளது. இதில் விவசாய மின்சார இணைப்பு தவிர்த்து, மாநிலம் முழுவதும் உள்ள குறைந்த அழுத்த மின்சார நுகர்வோர்கள் இணைப்புகள் தொடர்பான கட்டண மாற்றத்திற்கான விண்ணப்பத்தை நிரப்புவதற்காக எளிதாகவும், காலதாமதமின்றி விரைவாக செயல்படுத்துவதற்காகவும் தமிழ்நாடு மின்சார வாரியம் இணையம் மூலம் விண் ணப்பங்களை அனுப்பும் முறையை அறிமுகப்படுத்தி உள்ளது. இதற்கான வழிகாட்டி நெறிமுறைகளை மின்சார வாரியம் வெளியிட்டு உள்ளது. மின்சார நுகர் வோர்கள்   இணையதளத்தில் சென்று அதில் தங்கள் விண்ணப்பத்துடன், ஆதார் அட்டையை பதிவேற்றம் செய்வதுடன், தேர்வு செய்துள்ள கட்டண விவரம், மின்னஞ்சல் முகவரி மற்றும் கைப்பேசி எண்ணை மட்டும் அனுப்பினால் போதும். வேறு எந்தவித ஆவணங்களும் அனுப்பத் தேவையில்லை. காலதாமத மின்றி உரிய பரிசீலனைக்கு பின்னர் விரைவான சேவை அளிக்கப்படும் என்று தமிழ்நாடு மின்சார வாரிய அதிகாரிகள் தெரிவித்து உள்ளனர்.