பரபரப்பாக இயங்கும் பன்னாட்டு விமான நிலைய பட்டியலில் டில்லிக்கு 2ஆவது இடம்

புதுடில்லி, மே 5 - பரபரப்பாக இயங்கிய விமான நிலையங்களின் பட்டியலில் டில்லி விமான நிலையம் உலக அளவில் 2ஆவது இடத்தைப் பிடித்துள்ளது. 

பயணிகள் எண்ணிக்கை மற்றும் விமான சேவைகள் ஆகியவற்றின் அடிப்படையில் உலகின் மிக பரபரப்பான 10 விமான நிலையங்களின் பட்டியல் ஒவ்வொரு ஆண்டும் வெளியிடப்பட்டு வருகிறது. இதில் கடந்த ஆண்டு முதல் இடத்தில் அமெரிக்காவின் அட்லாண்டா விமான நிலையம், 2ஆவது இடத்தில் துபாய் விமான நிலையம் ஆகியவை இருந்தன. 

இந்த நிலையில் 2022 மார்ச் மாத நிலவரப்படி இந்த பட்டியலில் துபாய் விமான நிலையத்தை பின்னுக்குத் தள்ளி, இந்தியாவின் டில்லி விமான நிலையம் 2ஆவது இடத்தைப் பிடித்துள்ளது. 

கடந்த மார்ச் மாதம், அட் லாண்டா விமான நிலையத்தில் 44.22 லட்சம் பயணிகளும், டில்லி விமான நிலையத்தில் 36.11 லட்சம் பயணிகளும், துபாய் விமான நிலையத்தில் 35.54 லட்சம் பயணி களும் பயணித்துள்ளனர். 

2019-இல் உலக அளவில் 23ஆவது இடத்தில் இருந்த டில்லி விமான நிலையம், 2022 ஆம் ஆண்டில் 2ஆவது இடத்திற்கு முன்னேறி யுள்ளது.  2021இல் டில்லி விமான நிலையத்தில் இருந்து 3.16 கோடி உள்நாட்டு பயணிகளும், 54.9 லட்சம் பன் னாட்டு பயணிகளும் பயணம் செய்துள்ளனர்.