டிஎன்பிஎஸ்சி தேர்வு தேதி மாற்றம் குரூப் 4 தேர்வுக்கு 21 லட்சம் பேர் விண்ணப்பம்

சென்னை, ஏப்.-29 டிஎன்பிஎஸ்சி தேர்வு தேதி மாற்றம் செய்யப்பட்டுள்ளது.

தமிழ்நாட்டில் பல்வேறு துறைகளில் காலியாக உள்ள பணியிடங்களுக்கான பணியாளர்களை தமிழ்நாடு அரசுப் பணியாளர் தேர்வாணையம் நடத்தும் தேர்வு மூலம் தேர்வு செய்யப்பட்டு வருகின்றனர்.

அந்த வகையில், டிஎன்பிஎஸ்சி ஒருங்கிணைந்த பொறியியல் பணிகளுக்கான தேர்வு தேதி மாற்றம் செய் யப்பட்டுள்ளது. 

ஜூன் 26ஆம் தேதி நடைபெறவிருந்த டிஎன்பிஎஸ்சி ஒருங்கிணைந்த பொறியியல் பணிகளுக்கான தேர்வு ஜூலை 2ஆம் தேதிக்கு மாற்றம் செய்யப்பட்டுள்ளது.

குரூப்-4 தேர்வுக்கு

21 லட்சம் பேர் விண்ணப்பம்

தமிழ்நாடு அரசு பணியாளர் தேர்வாணையம் (டி.என்.பி.எஸ்.சி) அரசு துறைகளில் காலியாக இருக்கும் இடங்களுக்கு எழுத்து தேர்வு மூலம் பணியிடங்களை நிரப்பி வருகிறது. 

அந்த வகையில் கிராம நிர்வாக அலுவலர், இளநிலை உதவியாளர், தட்டச்சர், சுருக்கெழுத்து தட்டச்சர் என மொத்தம் 7,306 பணியிடங்களுக்கான குரூப்.-4 தேர்வு அறிவிப்பு கடந்த மாதம் வெளியிடப்பட்டது.

இந்த பணிகளுக்கு கல்வித்தகுதி 10ஆம் வகுப்பு என்று இருப்பதால்,  விண்ணப்பப் பதிவுக்கான கடைசி தேதி நேற்று (28.4.2022) நள்ளிரவுடன் முடிவடைந்த நிலையில், இரவு வரையிலான தகவலின்படி 

மொத்தம் 21 லட்சத்து 11 ஆயிரத்து 357 பேர் இந்த 

பணியிடங்களுக்கு இணைய வழி மூலம் விண்ணப்பித்து உள்ளனர். 

நேற்று நள்ளிரவு வரையில் விண்ணப்பிப்பதற்கு அவகாசம் இருந்ததால், இந்த எண்ணிக்கை சற்று அதிகரிக்க வாய்ப்பு உள்ளது.

விண்ணப்பப் பதிவு செய்தவர்களின் புள்ளிவிவரங் களுடன் காலிப்பணியிடங்களுக்கான எண்ணிக்கையை ஒப்பிட்டு பார்க்கும்போது ஒரு பணியிடத்துக்கு கிட்டத் தட்ட 300 பேர் போட்டியிடுகின்றனர்.

விண்ணப்பப்பதிவு முடிந்துள்ள நிலையில், இந்த பணியிடங்களுக்கான எழுத்து தேர்வு ஜூலை மாதம் 24ஆம் தேதி தமிழ்நாடு முழுவதும் நடைபெற உள்ளது.