பிரதமருக்கு முதலமைச்சர் மு.க.ஸ்டாலின் வலியுறுத்தல்!

 உக்ரைனில் சிக்கியுள்ள இந்திய மாணவர்களை மீட்பதும் 
“நீட்” தேர்வை ரத்து செய்வதும் ஒன்றிய அரசின் இலக்காக இருக்க வேண்டும்!
பிரதமருக்கு முதலமைச்சர் மு.க.ஸ்டாலின் வலியுறுத்தல்!

சென்னை, மார்ச்.3- உக்ரைனில் சிக்கியுள்ள மாண வர்களை மீட்பதும், நீட் தேர்வை ரத்து செய்வதும் ஒன்றிய அரசின் இலக் காக இருக்க வேண்டும்! என்று பிரதமருக்கு முதலமைச்சர் மு.க. ஸ்டாலின் அவர்கள் வேண்டுகோள் விடுத்துள்ளார்.

    இதுகுறித்து முதலமைச்சர் மு.க. ஸ்டாலின் அவர்களின் அறிக்கை வருமாறு: பிளஸ் 2 தேர்வில் 97 விழுக்காடு மதிப் பெண்கள் பெற்றும், நீட் தேர்வால் மருத் துவம் படிக்கும் வாய்ப்பை இழந்து, அதிகக் கல்விக் கட்டணம் செலுத்த முடியாததால் வேறுவழி யின்றி, தனது மருத் துவக் கனவை நன வாக்கிட உக்ரைன் நாட்டிற் குச் சென்று படித்த கருநாடக மாநிலத்து மாணவர் நவீனின் இழப்பு மிகுந்த வே தனை அளிக்கின்றது. உக்ரைனில் இருந்து வெளியேற முடியாமலும் தங்களது மருத்துவக் கனவு என்ன ஆகுமோ என்ற கவலையிலும், பெரும் இன்னல்களை சந்தித்து வரும் மாணவர்கள் குறித்து ஒன்றிய அரசு தெரிவித்து வரும் கருத்துகள்- ஒன்றிய அமைச்சர்களின் பேட்டிகள்- ஒன்றிய அரசுக்கு ஆதரவளிக்கி றோம் என சமூக வலைதளங்களில் போடப்படும் பதிவுகள் எல்லாம் வெந்த புண்ணில் வேல் பாய்ச்சுவது போல் உள்ளது. 

    இந்தப் போக்கினை உடனடியாகக் கைவிட்டு, உக்ரைன் - ரஷ்யப் போரால் கடுமையான பாதிப்பிற்கு ஆளாகி, நாள் தோறும் உயிர் பயத்தில் தவித்து வரும் ஒவ்வொரு மாண வரையும் காப்பாற்ற வேண்டிய தன் கடமையை முனைப்புடன் நிறை வேற்ற வேண்டும் என்ற மனநிலைக்கு ஒன்றிய அரசு வர வேண்டும். 

விளம்பரப்படுத்திக் கொள்வதற்கான உகந்த நேரம் அல்ல!

    இது பரப்புரை செய்வதற்கோ, விளம் பரப்படுத்திக் கொள்வதற்கோ -_ உகந்த நேரம் அல்ல; உயிருக்கும் - _ தங்களது எதிர் காலத்திற்கும் போராடும் மாணவர்களைக் காப்பாற்ற வேண்டிய தருணம். 

    அவர்களுக்கு நம்பிக்கை அளித்து அழைத்து வர வேண்டிய மிக முக்கியமான காலகட்டம் என்பதை நினைவூட்டுகிறேன். 

    அதைவிடுத்து, இங்கு படிக்க முடியாமல்- வெளிநாடு சென்று படிக்க முற்பட்ட மாணவர்களின் ஆர்வத்தையும், அதற்காக கஷ்டப்பட்டு தங்களது சொத் துகளை விற்று- சொந்த சேமிப்புகளை கரைத்து மேல்படிப்பிற்கு அனுப்பி வைத்த பெற்றோர்களின் உணர்வையும் கொச் சைப்படுத்தும் வகையிலான ஏட்டிக்குப் போட்டியான பேட்டிகளையும், கருத் துகளையும் வெளியிட வேண்டாம் என ஒன்றிய அமைச்சர்களுக்கும்- பா.ஜ.க.விற்கு ஆதரவாக சமூக வலைத்தளத்தில் இருப் பவர்களுக்கும் எச்சரிக்கை விடுக்க வேண் டியது அனைவருக்கு மான பிரதமரின் மிக முக்கியக் கடமையாகும். 

கருநாடகாவிலும் ஒலிக்கத் தொடங்கியுள்ளது!

    நீட் நுழைவுத் தேர்வால் - மருத் துவக் கல்வி ஏழை எளியவர்களுக்கு - நடுத்தரக் குடும்பங்களைச் சேர்ந்த மாணவர்களுக்கு எட்டாக் கனியாக ஆகிவிடும் ஆபத்தை போக்கவே, அந்தத் தேர்வை ரத்து செய்ய வேண் டும் என்று திராவிட முன்னேற்றக் கழகம் தொடர்ந்து குரல் கொடுத்து வருகிறது. தமிழ்நாட்டில் உள்ள கட்சி களும் ஒருமுகமாக வலியுறுத்தி வருகின் றன. தற்போது அண்டை மாநிலமான கருநாடகத்தின் மேனாள் முதலமைச்சர் குமாரசாமி அவர் களும் இதே கருத்தை வலியுறுத்திப் பேசியிருக்கிறார். இன்னும் சில மாநிலங்களிலும் நீட் தேர்வை ரத்து செய்ய வேண்டும் என்ற குரல் ஒலிக்கத் தொடங்கியுள்ளது. 

    தமிழ்நாட்டு மாணவர்களுக்கு மட்டு மின்றி - இந்திய அளவில் உள்ள அனைத்து மாணவர் களுக்காகவுமே நீட் தேர்வை ரத்து செய்ய வேண்டும் என்று குரல் கொடுத்து வருகிறோம். நான் முதலமைச் சராகப் பொறுப்பேற்ற பிறகு - இதற்கான ஆதரவை கோரி மாநில முதலமைச்சர் களுக்கும் நீட் தேர்வு பாதிப்பு தொடர்பான அறிக் கையை அனுப்பி ஆதரவு கோரி னேன். 

    தமிழ்நாடு சட்டமன்றத்தில் முதலில் நிறைவேற்றப்பட்ட மசோதாவும் - _இப் போது மீண்டும் நிறைவேற்றி குடியரசுத் தலைவரின் ஒப்புதலுக்காக அனுப்பியுள்ள நீட் விலக்கு மசோதாவும் இந்த அடிப்படை நோக்கத்தை முன்வைத்தே என்பதை உக்ரைன் போரில் மருத்துவம் படிக்கச் சென்று உயிரிழந்த மாணவர்களின் அவல நிலைமை - துயர நிலைமை மீண்டும் உணர்த்துகிறது. 

அனைவரும் இணைந்து போராடி வெல்வோம்!

    நீட் தேர்வை அறவே அகற்றி பள்ளிக் கல்வி மதிப் பெண்கள் மூலமாக மட்டுமே மருத்துவ இடங்கள் நிரப்பப்பட வேண்டும் என்று திராவிட முன்னேற் றக் கழகமும் தமிழ்நாடு அரசும் தொடர்ந்து போராடி வருகின்ற சூழ்நிலையில் - தற்போது வந் துள்ள உக்ரைன் சூழல் நீட் தேர்வு ரத்துக்கு மேலும் வலுவான காரணத்தை ஏற்படுத்தி யுள்ளது. 

    உக்ரைன் போன்ற சிறிய நாடு களுக்கு ஏன் மருத்துவக் கல்வி படிக்கப் போனார்கள் என்று கேள்வி கேட்டு தர்க்கம் செய்வதற்கு ஏற்ற நேரமல்ல இது. உக்ரைன் மாணவர் களைப் பாதுகாப்பாக மீட்பதும் - உள்நாட்டில் மருத்துவக் கல்வி கற்கத் தடையாக இருக்கும் நீட் தேர்வினை ரத்து செய்வதும் உடனடி இலக்காக அமைய வேண்டும். அந்த இலக்கு வெகு தொலைவில் இல்லை. அனைவரும் இணைந்து போராடி வெல்வோம். 

இவ்வாறு முதலமைச்சர் மு.க. ஸ்டாலின் அவர்கள் தமது அறிக்கையில் கூறியுள்ளார்