முதலமைச்சர் மு.க.ஸ்டாலின் பிறந்த நாள் - தந்தை பெரியார் நினைவிடத்தில் மரியாதை - தமிழர் தலைவர் வாழ்த்து!

'சமூகநீதிக்கான சரித்திர நாயகர்' முதலமைச்சர் மு.க.ஸ்டாலின் அவர்களின் 69 ஆம் ஆண்டு பிறந்த நாளான இன்று (1.3.2022) தந்தை பெரியார் - அன்னை மணியம்மையார் - சுயமரியாதைச் சுடரொளிகள் நினைவிடங்களில் மலர்வளையம் வைத்து மரியாதை செலுத்தினார். நேற்று (28.2.2022) அகில இந்திய காங்கிரஸ் கட்சியின் மேனாள் தலைவர் ராகுல்காந்தி அவர்களால் வெளியிடப்பட்ட முதலமைச்சர் மு.க.ஸ்டாலின் அவர்களின் தன் வரலாற்று நூலின் முதல் பாகம் ''உங்களில் ஒருவன்'' புத்தகத்தை தமிழர் தலைவரிடம் முதலமைச்சர் வழங்கினார். முதலமைச்சருக்கு தாய்க்கழகத்தின் சார்பில், கழகத் தலைவர் ஆசிரியர் கி.வீரமணி அவர்கள் பொன்னாடை அணிவித்து, இயக்க நூல்களை வழங்கி வாழ்த்துத் தெரிவித்தார். கழகத் துணைத் தலைவர் கவிஞர் கலி.பூங்குன்றன், முதலமைச்சருக்கு இனிப்பு வழங்கினார். உடன் திராவிட முன்னேற்றக் கழக இளைஞரணி மாநில செயலாளரும், சட்டப்பேரவை உறுப்பினருமான உதயநிதி ஸ்டாலின், நாடாளுமன்ற உறுப்பினர்கள், தமிழ்நாடு அமைச்சர்கள் மற்றும் முக்கிய பிரமுகர்கள், கழகப் பொதுச்செயலாளர் வீ.அன்புராஜ், கழகப் பொருளாளர் வீ.குமரேசன், திராவிடர் கழக வழக்குரைஞரணி தலைவர் த.வீரசேகரன் (சென்னை, பெரியார் திடல்)