உக்ரைன் தாக்குதலுக்கு ரசியா அதிக விலை கொடுக்க வேண்டி இருக்கும்: அதிபர் ஜோ பைடன் எச்சரிக்கை

வாசிங்டன், மார்ச் 3- அமெரிக்க நீதித் துறை, ரசிய தன்னலக்குழுக்களின் குற்றங்களை கண்காணிக்க ஒரு பிரத்யேக பணிக்குழுவைக் கூட்டி வருவதாக  அமெரிக்க அதிபர் ஜோ பைடன் தெரிவித்துள்ளார்.  

இதுதொடர்பாக தனது ஸ்டேட் ஆஃப் யூனியன் உரையின் போது பேசிய அமெரிக்க அதிபர் ஜோ பைடன், “நாங்கள், அமெ ரிக்கா, உக்ரேனிய மக்களுடன் துணை நிற்கிறோம். அமெரிக்கா வும் நமது நட்பு நாடுகளும் நேட் டோவின் ஒவ்வொரு அங்குலத் தையும் நமது கூட்டு சக்தியின் முழு பலத்துடன் பாதுகாக்கும். 

உக்ரேனியர்கள் தூய்மையான தைரியத்துடன் போராடுகிறார்கள். புதின் போர்க்களத்தில் ஆதாயங் களை பெறலாம். ஆனால் நீண்ட காலத்திற்கு அவர் தொடர்ந்து அதிக விலை கொடுக்க வேண்டியிருக்கும்.

அமெரிக்க நீதித்துறை, ரசிய தன்னலக்குழுக்களின் குற்றங்களை கண்காணிக்க ஒரு பிரத்யேக பணிக்குழுவைக் கூட்டி வருகிறது. உங்களின் படகுகள், உங்கள் சொகுசு குடியிருப்புகள், உங்கள் தனியார் ஜெட் விமானங்களைக் கண்டுபிடித்து கைப்பற்ற எங்கள் அய்ரோப்பிய நட்பு நாடுகளுடன் நாங்கள் இணைகிறோம்.

அனைத்து ரசிய விமானங்களுக் கும் அமெரிக்க வான்வெளியை மூடுவதில் நாங்கள் எங்கள் கூட்டு நாடுகளுடன் இணைவோம். நமது பொருளாதாரம் கடந்த ஆண்டு அமெரிக்காவில் 6.5 மில்லியன் புதிய வேலைகளை உருவாக்கியது. முன்பை விட ஒரு வருடத்தில் அதிக வேலை வாய்ப்புகள் உருவாக் கப்பட்டுள்ளன.

புதின் உக்ரைன் தலைநகர் கீவ்வை ராணுவ டாங்கிகளுடன் சுற்றி வரலாம். ஆனால் உக்ரேனிய மக்களின் இதயங்களை அவர் ஒரு போதும் பெறமாட்டார். சுதந்திர உலகின் உறுதியை அவர் ஒருபோ தும் பலவீனப்படுத்த முடியாது. 

ஒரு ரசிய சர்வாதிகாரி, ஒரு வெளிநாட்டை ஆக்கிரமித்ததால், உலகம் முழுவதுக்கும் செலவுகள் அதிகரித்துள்ளது. ஜனநாயகத்திற் கும், சர்வாதிகாரத்திற்கும் இடையிலான போரில், ஜனநாயகம் தற் போது உயர்ந்து வருகிறது” என்று அவர் கூறினார்.