தமிழர் தலைவருக்கு நன்றி!

 எனது வாழ்விணையர் தமிழரசன் அவர்களின் மறைவுக்குத் தாங்கள் வெளியிட்ட இரங்கல் செய்திக்கு எனது மனமார்ந்த நன்றியினைத் தெரிவித்துக் கொள்கிறேன்.

கடந்த மூன்று ஆண்டுகளாக வலிப்பு - மறதி நோயால் வருந்தினார். அருகிலிருந்து அவருக்குப் பணிவிடை செய்தேன்.

எனது மூத்த மகள் முத்துமொழி - கிராம நிர்வாக அலு வலராகவும், இளைய மகள் கவிதா மருத்துவராகவும் உள்ளனர். இருவரின் துணையோடு அவரைப் பராமரித்தேன். மகள் டாக்டர் கவிதாவின் மருத்துவம் மூலம் வலிப்பு நோயிலிருந்து விரைவில் விடுபட்டார். மறதி - மாறவில்லை.

28.1.2022 அன்று காலை சுமார் 5.30 மணியளவில் எங்களை விட்டுப் பிரிந்தார். எந்த மதச் சடங்குகளும் மூடநம்பிக்கைகளும் இன்றி அவருக்கு இறுதி மரியாதை செய்தோம்.

தாங்கள் அளித்த ‘வீரவணக்கத்தோடு’ - அவரின் இறுதி மரியாதை நடந்தேறியது. மீண்டும் தங்களுக்கு எங்கள் குடும்பம் சார்பாக நன்றியினைத் தெரிவித்துக் கொள்கிறேன்.

நன்றி, வணக்கம்.

- புலவர் கண்மணி தமிழரசன், மதுரை