வள்ளல் அழகப்பரின் மகள் கல்விக்காவலர் உமையாள் இராமநாதன் இறுதி நிகழ்வுகள்

காரைக்குடி,  டிச.17 காரைக்குடியை கல்விக்குடியாக்கிய கொடை வள்ளல் டாக்டர் அழகப்பரின் மகளும் சென்னை மற்றும் காரைக் குடி அழகப்பா கல்விக் குழுமத்தின் தலைவரும், காரைக்குடி அழகப்பா பல்கலைக்கழகத்தின் ஆயுட்கால உறுப்பினருமான  டாக்டர் உமை யாள் இராமநாதன் கடந்த 12-.12-.2021 அன்று சென்னையில் காலமா னார்.

14-.12-.2021 அன்று காலை சென்னை புரசைவாக்கம் பெரியார் நெடுஞ்சாலையில் உள்ள அவரது இல்லத்திற்கு கழகத் தலைவர் ஆசிரியர் கி.வீரமணி அவர்கள் நேரில் சென்று மரியாதை செய்தார்.

அன்று இரவே  அவரது சொந்த ஊரான காரைக்குடி அருகே உள்ள கண்டனூரில் உடல் வைக்கப்பட்டு மறுநாள் 15-.12-.2021 காரைக்குடி அழகப்பா பல்கலைக்கழகத்தின் பவநகர் அரங்கில் பொதுமக்கள் பார்வைக்கு வைக்கப்பட்டிருந்தது.

அப்போது காரைக்குடி மாவட்ட திராவிடர் கழகத்தின் சார்பில் மண்டல தலைவர் சாமி.திராவிடமணி தலைமையில் மாவட்ட தலைவர் அரங்கசாமி, மாவட்ட செயலாளர் வைகறை, கழக சொற்பொழிவாளர் தி.என்னா ரெசு பிராட்லா, மாவட்ட துணை செயலாளர் செஞ்சை பழனிவேலு, நகர தலைவர் ந.செகதீசன், கல்லல் ஒன்றிய அமைப்பாளர் கொரட்டி பாலு, மாவட்ட ப.க.தலைவர் எஸ்.முழுமதி, மேனாள் மாவட்ட ப.க.தலைவர் ப.சுந்தரம், முனைவர் மு.சு.கண்மணி உள்ளிட்டோர் அன்னாரது உடலுக்கு மலர்மாலை அணிவித்து மரியாதை செலுத்தினர்.

தமிழ்நாடு அரசு சார்பில் ஊரக வளர்ச்சி துறை அமைச்சர் கே ஆர்.பெரியகருப்பன், தி.மு.க.மாநில இலக்கிய அணித் தலைவர் மு.தென்னவன், நகர தி.மு.க.செயலாளர் நா.குணசேகரன் மற்றும் உள்ளூர் முக்கிய பிரமுகர்கள் பொதுமக்கள் கலந்து கொண்டு மரியாதை செலுத் தினர். அதனையடுத்து அன்னாரது தந்தையார் கொடை வள்ளல் ஆர்.எம்.அழகப்பர் அவர்களின் நினைவிடம் அருகேயே இவரது உடல் எரியூட்டப்பட்டது.

கழகத் தலைவர் ஆசிரியர் அவர்களின் இரங்கல் அறிக்கை நகலெடுக்கப் பட்டு வந்திருந்தோர் அனைவருக்கும் வழங்கப்பட்டது.