கலைஞரின் வருமுன் காப்போம் திட்ட மருத்துவ முகாம்

தமிழ்நாடு முதலமைச்சர் மு.க. ஸ்டாலின் அவர்கள் இன்று (16.10.2021) கொளத்தூர் சட்டமன்றத் தொகுதிக்குட்பட்ட திரு.வி.க நகர் மண்டலம், கொளத்தூர் பள்ளி சாலையில் உள்ள சென்னை ஆண்கள் மேல்நிலைப் பள்ளியில் கலைஞரின் வருமுன் காப்போம் திட்டத்தின் கீழ் மருத்துவ முகாமை தொடங்கி வைத்து, மக்களுக்கு அளிக்கப்படும் மருத்துவச் சிகிச்சைகளை பார்வையிட்டு, ஆய்வு செய்தார். இந்நிகழ்ச்சியில்  மருத்துவம் மற்றும் மக்கள் நல்வாழ்வுத்துறை அமைச்சர்  மா. சுப்பிரமணியன்,  இந்து சமயம் மற்றும் அறநிலையத்துறை அமைச்சர் பி.கே.சேகர்பாபு, நாடாளுமன்ற உறுப்பினர் கலாநிதி வீராசாமி, சட்டமன்ற உறுப்பினர்  தாயகம் கவி, பெருநகர சென்னை மாநகராட்சி ஆணையர் ககன்தீப் சிங் பேடி,  மற்றும் அரசு உயர் அலுவலர்கள் கலந்து கொண்டனர்.