ஊரக உள்ளாட்சித் தேர்தல் 2ஆவது கட்ட தேர்தல் : மதியம் 12 மணி நிலவரப்படி 26.5 சதவீதம் வாக்குகள் பதிவு

சென்னை, அக்.9 செங்கல்பட்டு, காஞ்சிபுரம் உள்ளிட்ட 9 மாவட்டங்களில் 12 ஆயிரத்து 341 பதவிகளுக்கு இன்று (9.10.2021) 2ஆவது கட்ட ஊரக உள்ளாட்சித் தேர்தல் தொடங்கியது.

தமிழ்நாட்டில் செங்கல்பட்டு, காஞ்சிபுரம், விழுப்புரம், கள்ளக்குறிச்சி, வேலூர், திருப்பத்தூர், ராணிப் பேட்டை, நெல்லை, தென்காசி ஆகிய 9 மாவட்டங்களில் உள்ளாட்சி அமைப் புகளுக்கு அக்டோபர் 6 மற்றும் 9 ஆகிய தேதிகளில் 2 கட்டங்களாக தேர்தல் நடத்தப்படும் என அறிவிக்கப்பட்டது.

முதல்கட்ட தேர்தல் 6ஆம் தேதி நடந்து முடிந்தது. 14 ஆயிரத்து 662 பதவியிடங்களுக்கு நடந்த இந்த தேர்தலில் 77.43 சதவீத வாக்குகள் பதிவாகி இருந்தன. வாக்குப் பெட்டிகள் பலத்த பாதுகாப்புடன் 74 மய்யங்களில் வைக்கப்பட்டுள்ளன.

இதில் 9 மாவட்டங்களில் உள்ள 35 ஊராட்சி ஒன்றியங்களுக்கு உட்பட்ட 62 மாவட்ட ஊராட்சி வார்டு கவுன் சிலர் பதவிகள், 626 ஊராட்சி ஒன்றிய வார்டு கவுன்சிலர் பதவிகள், 1,324 கிராம ஊராட்சி தலைவர் பதவிகள், 10,329 கிராம ஊராட்சி வார்டு உறுப்பினர் பதவிகள் என மொத்தம் 12 ஆயிரத்து 341 இடங்களுக்கு தேர்தல் நடக்கிறது. பிரச்சாரம் நேற்று முன்தினம் (7.10.2021) மாலை நிறைவு பெற்றது. இதைத்தொடர்ந்து 2ஆம் கட்ட வாக்குப்பதிவுக்காக 6 ஆயிரத்து 652 வாக்குச்சாவடிகள் தயார்நிலையில் உள்ளன. இந்த தேர்தலில் 34 லட்சத்து 65 ஆயிரத்து 724 பேர் வாக்களிக்க உள்ளனர்.

இந்த தேர்தலில் ஒவ்வொரு வாக் காளரும் கிராம ஊராட்சி உறுப்பினர், கிராம ஊராட்சி தலைவர், ஊராட்சி ஒன்றிய வார்டு கவுன்சிலர், மாவட்ட ஊராட்சி வார்டு கவுன்சிலர் ஆகிய பதவிகளுக்கு என 4 ஓட்டு போட வேண்டும்.

இந்த 9 மாவட்டங்களை தவிர்த்து ஏனைய 28 மாவட்டங்களில் காலியாக உள்ள ஊரக உள்ளாட்சி இடங்களுக் கும் இன்று தேர்தல் நடக்கிறது.

அதன்படி, இந்த மாவட்டங்களில் 13 மாவட்ட ஊராட்சி வார்டு உறுப்பினர், 40 ஊராட்சி ஒன்றிய வார்டு உறுப்பினர், 106 கிராம ஊராட்சி தலைவர், 630 கிராம ஊராட்சி உறுப்பினர் என மொத்தம் 789 பதவிகளுக்கு தேர்தல் நடைபெறுகிறது.

இந்த தேர்தலில் வெற்றி பெறுப வர்கள் 20ஆம் தேதி பதவி ஏற்கிறார்கள். 22ஆம் தேதி மாவட்ட ஊராட்சி தலைவர், துணைத்தலைவர், ஊராட்சி ஒன்றிய தலைவர், துணைத்தலைவர், ஊராட்சி துணைத்தலைவர் ஆகிய பதவிகளுக்கான மறைமுக தேர்தல் நடைபெறுகிறது.

இந்த நிலையில், செங்கல்பட்டு, காஞ்சீபுரம் உள்ளிட்ட 9 மாவட்டங் களில் 12 ஆயிரத்து 341 பதவிகளுக்கு, 2வது கட்ட ஊரக உள்ளாட்சித் தேர் தலுக்கான வாக்குப்பதிவு இன்று காலை 7 மணிக்கு தொடங்கி நடந்து வருகிறது.  இதில் வாக்காளர்கள் ஆர்வமுடன் காலை முதல் வந்து வரிசையில் நின்று வாக்களித்து வருகின்றனர். மதியம் 12 மணி நிலவரப்படி 26.5 சதவீதம் வாக் குகள் பதிவு.