தொற்றுநோயைத் தடுக்காது

வெள்ளை மாளிகையின் தலைமை மருத்துவ ஆலோசகர் டாக்டர் அந்தோனி ஃபாசி, சமீபத்தில் அதிக அமெரிக்கர்கள் தடுப்பூசி போடாத வரை அமெரிக்கா சிக்கலில் இருக்கக்கூடும் என்று எச்சரித்தார், ஏனெனில் தடுப்பூசி போடாதவர்களின் எண்ணிக்கை அதிகமாக உள்ள வரை, கரோனா வைரஸ்கள் பரவுவதற்கும் பிறழ்வுகள் உருவாகவும் வாய்ப்புகள் இருந்து கொண்டே இருக்கும் என்று கூறினார். ஏழை நாடுகளின் மக்கள்தொகையில் மிகக் குறைந்த எண்ணிக்கையிலான மக்கள் தடுப்பூசிப் போட்டுக்கொண்ட நிலையில், வேறுபாடுகள் கண்டறியப்படாமல் இருந்தாலும் நிலைமை இப்படித் தான் இருக்கும் என்று பணக்கார நாடுகளால் பன்னாட்டு அளவில் தடுப்பூசி அளவுகளை அதிக அளவில் விநியோகிப்பதை ஆதரிப்பவர்கள் அறிவித்துள்ளனர்.

அப்படியிருந்தும், தற்போதைய தடுப்பூசிகள் கடுமையான நோயைத் தடுக்கின்றன, ஆனால் தொற்றுநோயைத் தடுக்காது என்பது ஒரு முக்கிய பிரச்சினை என்று மயோ கிளினிக்கின் தடுப்பூசி விஞ்ஞானி டாக்டர் கிரிகோரி போலந்து கூறினார். ஏன் என்றால் வைரஸ்கள், மூக்கில் அதிக அளவு உற்பத்தி ஆகும் திறன் கொண்டவை. தடுப்பூசி போட்டுக் கொண்ட மக்களும் கூட குறைந்த அளவு நோயை ஏரோசோலைஸ் செய்யப்பட்ட நீர்த்துளிகள் மூலம் பரப்ப முடியும் என்று கூறினார். கரோனா வைரஸை தடுக்க, நோய் பரவலை தடுக்கும் தடுப்பூசிகளை உருவாக்க வேண்டும். அது வரை புதிய கரோனா வைரஸ்களின் உருவாக்கம் உலகிற்கு அச்சுறுத்தலாகவே இருக்கும் என்று போலாந்து மற்றும் இதர ஆராய்ச்சியாளர்கள் கூறியுள்ளனர்.