இந்தியர்களின் வெற்றிக்குப் பின்னால் வெளிநாட்டு பயிற்சியாளர்கள்

புதுடில்லி, ஆக 10 தங்கம், வெள்ளி ,வெண்கலம் என்று மொத்தம் ஏழு பதக்கங்களை முதல் முறையாக ஒலிம்பிக் போட்டிகளில் வென்றுள்ள இந்திய அணி அடுத்து 2024இல் பாரிஸ் நகரில் நடக்க இருக்கும் ஒலிம்பிக் போட்டியில் எதிர்பார்ப்பை ஏற்படுத்தியுள்ளது.

இந்திய இளைஞர்களிடையே எதிர்பார்ப்பை ஏற்படுத்தியிருக்கும் இந்த வெற்றிக்குப் பின்னால் இருக்கும் இவர்களின் உழைப்பும் பயிற்சியா ளர்கள் பற்றிய விவரமும் நம்மை வியக்க வைத்தி ருப்பதுடன், வரும் ஆண்டுகளில் இந்த வெற்றி யைத் தக்கவைத்துக் கொள்ள செய்யவேண்டிய முயற்சிகள் மலைக்க வைக்கிறது.

ஈட்டி எறிதலில் தங்கம் வென்ற நீரஜ் சோப்ரா உலகின் முன்னணி ஈட்டி எறியும் வீரரும் ஜெர்மன் நாட்டைச் சேர்ந்தவருமான உவ ஹோன் என்பவரிடம் 2018ஆம் ஆண்டு முதல் பயிற்சி எடுத்துக்கொண்டார்.

100 மீட்டரைத் தாண்டி ஈட்டி எறிந்த ஒரே நபர் என்ற பெருமைக்குச் சொந்தக்காரரான உவ ஹோன் 1984 ம் ஆண்டு ஏற்படுத்திய சாதனையை இதுவரை யாரும் முறியடிக்கவில்லை, இவர் வீசிய தூரம் 104.80 மீட்டர்.

இவருடன் ஜெர்மனியின் ஈட்டி எறியும் வீரர்களைப் பயிற்றுவிக்கத் தேவையான கருவிகளை வடிவமைத்த குழுவில் இடம்பெற்றவ ரான டாக்டர் பார்டோனிட்ஸ் என்பவரும் 2019ஆம் ஆண்டு முதல் இணைந்து நீரஜ் சோப்ராவுக்கு பயிற்சி அளித்தனர்.

ஈட்டி எறியும் வீரரின் உடல் வில் போலவும் அவர் எறியும் ஈட்டி வில்லில் இருந்து புறப்படும் அம்பு போலவும் இருக்கவேண்டும் என்று கூறும் டாக்டர் பார்டோனிட்ஸ், நீரஜ் சோப்ரா தன்னை முழுமையாக அதற்காக தயார்படுத்திக் கொண்டார் என்று கூறுகிறார்.

உவ ஹோன் மற்றும் டாக்டர் பார்டோனிட்ஸ் ஆகிய இருவரும் இதற்கு முன் சீனாவின் தேசிய அணிக்கு பயிற்சி அளித்தவர்கள் என்பது குறிப்பிடத்தக்கது.

இந்த ஒலிம்பிக்கில் முதல் வெள்ளிப் பதக்கம் வென்ற மீராபாய் சானுவின் பயிற்சியாளர்  விஜய் சர்மா இவர் மட்டுமே இந்தியாவைச் சேர்ந்த பயிற்சியாளர் அதே போல் மல்யுத்தப் போட்டியில் வெள்ளி வென்ற ரவி தாஹியாவின் பயிற்சியாளர் கொமல் மலிகோவ் ரஷ்யாவைச் சேர்ந்தவர்

மல்யுத்தப் போட்டியில் வெண்கலப்பதக்கம் வென்ற பஜ்ரங் புனியாவின் பயிற்சியாளர் ஷாக்கோ பென்டினிடிஸ்.  ஜார்ஜியா நாட்டைச் சேர்ந்தவர் ஆவார்

 குத்துச்சண்டை போட்டியில் வெண்கலம் வென்ற லாவ்லினா போர்கோஹேனின் பயிற்சி யாளர் ராஃபேல் பெர்கமாஸ்கோ இத்தாலியைச் சேர்ந்தவர்  பாட்மிண்டன் போட்டியில் வெண்கலம் வென்ற பி.வி. சிந்துவின் பயிற்சியாளர் பார்க் டே-சங் தென் கொரியாவைச்

சேர்ந்தவர்.

 வெண்கலப்பதக்கம் வென்ற இந்திய ஆடவர் ஆக்கி அணியின் பயிற்சியாளர் கிரஹாம் ரீட் ஆஸ்திரேலியாவைச் சேர்ந்தவர்

மேற்கண்ட 7 வெளிநாட்டுப் பயிற்சியா ளர்களும் ஒரு இந்தியப் பயிற்சியாளரும் இந்திய அணி ஏழு பதக்கங்களை வெல்ல காரணமாக இருந்தவர்கள் என்பது குறிப்பிடத்தக்கது.