செய்தியும், சிந்தனையும்....!

நிரந்தர வெளிநடப்பு!

வேளாண் சட்டங்களுக்கு எதிராக மேற்கு வங்க சட்டசபையில் தீர்மானம் நிறைவேற்றம் - பா.ஜ.க. வெளிநடப்பு!

மூன்று வேளாண் சட்டங்களே போதும் - பா.ஜ.க. ஆட்சியில் இருந்தே வெளிநடப்பு செய்யும்!

தேவை விடுதலை

முதலமைச்சர் எடப்பாடி பழனிசாமி ஆளுநரைச் சந்தித்து பேரறிவாளன் உள்ளிட்ட ஏழு பேர் விடுதலை விவகாரம் - நல்ல முடிவு எடுக்க வேண்டினார்.

இதைத்தான் திராவிடர் கழகத் தலைவர் ‘விடுதலை' அறிக்கைமூலம் வலியுறுத்தினார் (‘விடுதலை', 23.1.2021 )

62 மாத அகவிலைப்படி...

போக்குவரத்துத் துறை ஊழியர்களுக்கு நிலுவையில் உள்ள 62 மாத அகவிலைப்படியை உடனே வழங்கிடக் கோரி - நேற்று சென்னையில் ஆர்ப்பாட்டம்!

தங்களுக்கு அளிக்கவேண்டிய ஜி.எஸ்.டி. நிலுவையை மத்திய அரசு அளிக்கவேண்டும் என்று கூறும் மாநில அரசு, தம் ஊழியர்களுக்கான அகவிலைப்படி நிலுவையை அளிக்கவேண்டாமா?

இது கொஞ்சம் ‘ஓவர்!'

தமிழ்நாட்டில் பா.ஜ.க. இரட்டை இலக்க தொகுதியில் வெற்றி பெறும்: - பா.ஜ.க. மேலிட பார்வையாளர் சி.டி.ரவி நம்பிக்கை.

பா.ஜ.க. ஆட்சிபற்றி எல்லாம் பேசியதெல்லாம் என்னாச்சு? கடைசியில்... இந்தக் கீழிறக்கமா? உண்மையைச் சொன்னால் இந்த நம்பிக்கைகூட அதீத நம்பிக்கைதான். நின்ற இடத்தில் ‘டெபாசிட்!' கிடைக்குமா என்பதுபற்றி சிந்திப்பதே சரியானது!

அர்ச்சகர் யார்?

எம்.ஜி.ஆர்., ஜெயலலிதா கோவில் திறப்பு - திருமங்கலத்தில் முதலமைச்சர் திறந்து வைத்தார்.

கோவில்கள், சாமிகள் இப்படித்தான் மனிதர்களால் தோற்றுவிக்கப்பட்டன - ஆமாம், கோவிலில் அர்ச்சகர் நியமனம் உண்டா?

தீண்டாமை நடமாட்டம் கோவில் கருவறையில்தான்!

நேற்று காந்தியார் நினைவு நாள். தீண்டாமை ஒழிப்பு உறுதிமொழி - முதலமைச்சர் தலைமையில்!

முதல் தீண்டாமை ஒழிப்பு கோவில் கருவறையிலிருந்து தொடங்குமா?

நம்ம சிபிணிழிழிகிமி!

சென்னை கடற்கரையில் நம்ம என்பதை தமிழிலும், சென்னை என்பது ஆங்கிலத்திலும் பொறிக்கப்பட்ட அடையாளச் சின்னத்தை முதலமைச்சர் திறந்து வைத்தார்.

பாதி தமிழ் - பாதி ஆங்கிலம் ஏன்?

ஏன் இந்த மொழிச் சிதைவு - இரண்டு சொல்லும் தமிழில் இருக்கவேண்டாமா? என்று வைகோ எழுப்பிய வினா நியாயமானதே!