செய்தியும், சிந்தனையும்....!

வேலியே பயிரை...

ஆன்லைனில் சூதாட்டத்தில் ஈடுபட்டதாக 27 போலீசாரின் செல்போன் பறிமுதல்.

என்ன செய்வது! வேலியே பயிரை மேய்கிறது!

மண்ணுருண்டை மாளவியாக்கள்

கேள்வி: அமைச்சர் செல்லூர் ராஜூ, குடும்பத்தோடு 'காசி'க்குச் சென்றதுபற்றி...?

பதில்: பெரியார் பூமியில் இருந்து எடுத்துக் கொண்டு போன மண் காசியில் கரைந்திருக்கிறது. - 'துக்ளக்', 8.12.2020

கடலைத் தாண்டிச் செல்லுவது இந்து மதத்திற்கு விரோதம் என்பதால், வட்ட மேஜை மாநாட்டிற்குச் சென்ற மாளவியா இந்திய மண்ணை எடுத்துச் சென்றாரே, அப்போது கரைந்தது இந்து மதமா?

அ.தி.மு.க.தான் ஆன்மிக தி.மு.க.வாக மாறிவிட்டதே - அந்த உதாரணமே தவறு. சரி, பெரியார் மண்ணில்தானே சாமிநாதன் குருமூர்த்திகளின் வயிற்றுப் பிழைப்பும் நடக்கிறது.

குரு பத்தினியைக் கற்பழித்த சந்திரன் கதையோ!

கேள்வி: ஆசிரியர் ஒரு குருவுக்குச் சமம். 100 குரு ஒரு தந்தைக்குச் சமம். 1000 தந்தை ஒரு தாய்க்குச் சமம் என்று மனுநூல் குறிப்பிடுகிறதே, இதுகுறித்து...?

பதில்: இதையெல்லாம் விட்டுவிட்டு மனுதர்மத்தில் வேறு எதை எதையோ படித்து, தப்புத் தப்பாகப் புரிந்துகொண்டு, தாறுமாறாகப் பேசுபவர்களை, எதையும் படிக்காத பத்திரிகையாளர்களும் பிரபலமாக்குகிறார்களே என்று சிரிப்புதான் வருகிறது. - ‘துக்ளக்', 8.12.2020.

மனுதர்மத்தில் எந்த அத்தியாயம், எத்தனையாவது சுலோகம் என்று எல்லாம் ஆதாரம் கொடுக்கமாட்டார்கள் - கேட்டால் அக்கப்போர்தான் அவாளின் பத்திரிகா தர்மம்.

மலத்தில் அரிசி பொறுக்குகிறார்கள் என்று வேண்டுமானால் சொல்லலாம்.

குருவைப்பற்றி சிலாகிக்கிறதே ‘துக்ளக்.' குரு பத்தினியைக் கற்பழித்தவன் சந்திரன் என்ற இவர்களின் மதவிடயம் என்னாயிற்று?