அமெரிக்க, பிரிட்டன் விஞ்ஞானிகளுக்கு மருத்துவத்துக்கான நோபல் பரிசு

ஸ்டாக்ஹோம்,அக்.6, 2020 ஆம் ஆண்டு மருத்துவத்துக்கான நோபல் பரிசு பிரிட்டன், அமெரிக்க விஞ்ஞானிகள் 3 பேருக்கு கூட்டாக திங்க ளன்று அறிவிக்கப்பட்டது.

சுவீடன் தலைநகர் ஸ்டாக்ஹோமில் உள்ள கரோனலின்ஸ்கா இன்ஸ்ட்டி யூட்டில் உள்ள நோபல் பரிசுக் குழு இந்த விருதைஅறிவித்தது.ஆண்டுதோறும் மருத்துவம், இயற்பியல், பொருளாதாரம், அமைதி, இலக்கியம் ஆகிய துறைகளில் சாதனை படைத்தவர்களுக்கு நோபல் பரிசு வழங்கப்பட்டு வருகிறது. அ¬ மதிக்கான நோபல் பரிசு மட்டும் நார்வே யிலும் மற்ற பரிசுகள் ஸ்டாக்ஹோமிலும் அறிவிக்கப்படும்.

முதல் கட்டமாக மருத்துவத்துக்கான 2020 ஆம் ஆண்டுக்கான நோபல் பரிசு பிரிட்டன், அமெரிக்க விஞ்ஞானிகளுக்கு கூட்டாக அறிவிக்கப் பட்டது.அமெரிக்க விஞ்ஞானி ஹார்வே ஜே.ஆல்டர் (வைராலஜிஸ்ட்), பிரிட்டன் விஞ்ஞானி மைக்கேல் ஹாட்டன், அமெரிக்க விஞ்ஞானி சார்லஸ் எம். ரைஸ் (பேராசிரியர் ராக்கர் ஃபெல்லர் பல்கலைக்கழகம்) ஆகி யோருக்கு கூட்டாக நோபல் பரிசு அறிவிக்கப்பட்டது.உலகெங்கிலும் உள்ள மக்களுக்கு சிரோசிஸ் எனப்படும் கல்லீரல் செல்களை அழித்தல்நோய் மற்றும் கல்லீரல் புற்றுநோயை ஏற்படுத்தும் ரத்தத்தில் பரவும் ஹெபாடைடிஸ் வைரசுக்கு எதிராக கண்டுபிடிப்புகளைச் செய்தமைக்காக இந்த விருது வழங்கப்படுகிறது.

இந்த 3 விஞ்ஞானிகளும் ஏற்கெனவே ஹெபடைடிஸ் ஏ, பி வைரஸ்களையும் கண்டுபிடித்திருந்தனர். இதுதான் ஹெபடைடிஸ்- சி வைரஸ் ஆய்வுக்கான முதல் படியாக அமைந்தது. இந்த ஹெபடைடிஸ்- சி வைரஸ் கண்டு பிடிப்பின் மூலம் நாள்பட்ட ஹெப டைடிஸ் ஏற்படுவதற்கான காரணத்தை ரத்தப்பரிசோதனைகள் மூலம் கண்ட றிய உதவின. கோடிக்கணக்கான மனித உயிர்களைக் காப்பாற்ற புதிய மருந்துகள் கண்டுபிடிப்பையும் சாத்தியமாக்கியது. இதில் அமெரிக்க விஞ்ஞானி சார்லஸ் எம். ரைஸ் ஆய்வின்படி, கல்லீரலில் நோய் வருவதற்கு முக்கியக் காரணம் ஹெபடைடிஸ்-சி வைரஸ்தான் என்று உறுதியான கண்டுபிடிப்பை அளித்தார். அமெரிக்க விஞ்ஞானி ஹார்வே ஜே.ஆல்டர் (வைரலாஜிஸ்ட்), பிரிட் டன் விஞ்ஞானி மைக்கேல் ஹாட்டன் ஆகிய இருவரும் சேர்ந்து ஹெபடைடிஸ்-சி வைரஸின் மரபணுவைத் தனிமைப் படுத்திய உத்திக்காக நோபல் பரிசு அறிவிக்கப்பட்டது.

வரலாற்றிலேயே முதல் முறையாக, ஹெபடைடிஸ்-சி வைரஸை இப் போதுதான் குணப்படுத்த முடிகிறது. இவர்களின் கண்டுபிடிப்புகள் நாள் பட்ட ஹெபடைடிஸ் ஏற்படுவதற்கான காரணத்தை ரத்தப் பரிசோதனைகள் மூலம் கண்டறிய உதவின. கோடிக் கணக்கான மனித உயிர்களைக் காப் பாற்ற புதிய மருந்துகள் கண்டுபிடிப் பையும் சாத்தியமாக்கியது.