கழகத்தில் இணைந்த புதிய தோழர்கள்

மதுரை மாவட்ட திராவிட மாணவர்கள் சந்திப்புக்கூட்டம் எஸ்.ஏ.எஸ். பழக்கடையில், மாவட்ட திராவிடர் கழகச் செயலாளர் சுப. முருகானந்தம் அவர்கள் தலைமையில் நடைபெற்றது. கூட்டத்தில் மருத்துவக் கல்லூரி மாணவர் சத்தியப்பிரியா, சட்டக்கல்லூரி மாணவர் அருண்குமார், தி.மு.கவின் தி.நாத்திகா, மதுமதி, கவுசிகா, ஆகியோர் திராவிட மாணவர்கழகத்தில் இணைந்து செயலாற்ற முன்வந்தனர். மாநில அமைப்புச் செயலாளர் வே.செல்வம் அவர்கள் ‘பகுத்தறிவுச் சுடரேந்துவீர்' புத்தகம் வழங்கி மகிழ்வித்தார்.

மதுரைபுறநகர் மாவட்டம் திருமங்கலத்தில் மாவட்டச் செயலாளர் எரிமலை தலைமையில் நடைபெற்ற திராவிட மாணவர்கூட்டத்தில் தம்மை இணைத்துக்கொண்டு செயலாற்ற வந்துள்ள மாணவர்கள் சு.சித்தார்த், பா.கருப்பசாமி, ம.இரஞ்சித்குமார், கே.தனுசுகுமார், ம.தருண். விசய் ஆகியோரை பாராட்டி ‘இலட்சியத்தை நோக்கி' என்ற புத்தகம் வழங்கப்பட்டது.

விருதுநகர் மாவட்ட திராவிட மாணவர்கள் சந்திப்புக் கூட்டம் மாநில ப.க. துணைத்தலைவர் நல்லதம்பி அவர்கள் இல்லத்தில் மாவட்டச் செயலாளர்தி.ஆதவன் அவர்கள் தலைமையில் நடைபெற்றது. கூட்டத்தில் மாணவர்கள் பி.அபினேசு, வி.பிரசன்னாதேவி, வி.கமல்சத்யா ஆகியோர் கழகத்தில் இணைந்தனர். அவர்களுக்கு நல்லவன் அவர்கள் ‘உண்மை', ‘கடவுளும் மனிதனும்' புத்தகம் அளித்து மகிழ்ந்தார்.

நாகர்கோயில் பெரியார் மய்யத்தில், திராவிட மாணவர்கள் சந்திப்புக் கூட்டத்தில் நாகர்கோயில் பிரித்தீஸ்ராசா, தேரூர் இசை கண்ணன், இசை செல்வி ஆகியோர் மாணவர் கழகத்தில் இணைத்துக்கொண்டனர். தந்தைபெரியாரின் ‘பகுத்தறிவுச்சுடரேந்துவீர்' புத்தகத்தை மாவட்டத்தலைவர் எம்.எம்.எஸ்.சுப்ரமணியன் அளித்து மகிழ்ந்தார்.