கரோனா வைரஸ் தொற்று பாதிப்புகுறித்து தொடரும் கேள்விகள்

அறிவியல் ஏட்டின் ஆய்வுத்தகவல்

புதுடில்லி, ஜூலை 8 2020 ஆம் ஆண்டின் பாதிக்கும்மேல் கடந்துவிட்டது மற்றும் கரோனா வைரஸ் தொற்று நோய் அண்மையில் உலகளவில் 1.10 கோடியை தாண்டியுள்ளது.

விஞ்ஞான இதழான ‘நேச்சரில்'  கரோனா வைரசுடன் இணைக்கப்பட்ட அய்ந்து ‘மர்மங் களுக்கான' பதில்களைக் கண்டுபிடிக்கவேண்டும் என கூறியுள்ளது.

இதுவரை, அறிவியல் ஆய்வுத் தரவுகளின் மூலம் வைரஸ் - உயிரணுக்களில் எவ்வாறு நுழைகிறது மற்றும் கடத்துகிறது. சிலர் அதை எவ்வாறு எதிர்த்துப் போராடுகிறார்கள், இறுதியில் மற்றவர்களை அது எப்படிக் கொல்கிறது என்பதைக் கண்டுபிடிக்க முடிந்தது.

மருத்துவ அறிவியலாளர்கள் சுமார் 200 சாத்தியமான தடுப்பூசிகளை உருவாக்கியுள்ளனர். அவற்றில் ஏதேனும் இந்த ஆண்டு இறுதிக்குள் பயனுள்ளதாக இருக்கும்'' என்று கூறியுள்ளது.

இருப்பினும், இந்த நோயைப்பற்றி ஆராய்ச் சியாளர்களிடம் இன்னும் பதில்கள் இல்லாத சில முக்கிய கேள்விகளை பத்திரிகை வெளிச்சம் போட்டுக் காட்டியுள்ளது அதன் விவரம் வருமாறு:-

1. ஒவ்வொருவருக்கும் வித்தியாசமான அறி குறிகளை கொடுப்பதற்கு என்ன காரணம்?

குழந்தைகள் மற்றும் முதியவர்கள், குறிப்பாக நாட்பட்ட நோய் உள்ளவர்கள் வைரஸால் பாதிக்கப்படுகின்றனர் மற்றும் நோயின் தீவிரத்தை அனுபவிக்கிறார்கள் என்பது அனைவரும் அறிந்த உண்மை. இருப்பினும், வைரசுக்கு மக்கள் ஒவ்வொருவருக்கும் வித்தியாசமான அறிகுறி களைக் கொடுப்பதற்கு என்ன காரணம் என்பதை இன்னும் புரிந்து கொள்ளவேண்டும்.

2. நோய் எதிர்ப்பு சக்தியின் தன்மை என்ன, அது எவ்வளவு காலம் நீடிக்கும்?

கரோனா வைரஸ் நோய்க்கான நோய் எதிர்ப்பு சக்தி எப்படி இருக்கும், அது எவ்வளவு காலம் நீடிக்கும் என்பதைத் தீர்மானிக்க நோய் எதிர்ப்பு  நிபுணர்களும் முயற்சித்து வருகின்றனர்.

"சார்ஸ் கோவ்-2க்கு எதிரான நடுநிலைப் படுத்தும் ஆன்டிபாடிகளின் அளவு, தொற்று நோய்க்குப் பின்னர் சில வாரங்களுக்கு அதிகமாக இருப்பதாக ஆய்வுகள் கண்டறிந்துள்ளன. ஆனால் பின்னர் அவை பொதுவாகக் குறையத் தொடங்குகின்றன. ஆறு மாத கரோனா வைரஸ் ‘மர்மத்தைக்' கண்டறிய  அறிவியலாளர்கள் இன்னும் ஆய்வுகளைத் தொடர்ந்துகொண்டிருக்கிறார்கள்.

3. வைரஸ் கவலைப்படக்கூடிய பிறழ்வுகளை உருவாக்கியதா?

கடந்த ஆண்டு சீனாவில் முதன்முதலில் வடிவம் பெற்ற கரோனா வைரஸ் பின், கண்டம் முழுவதும் பயணித்ததால், வைரஸின் பிறழ்வைச் சுற்றியே பல ஊகங்கள் உள்ளன.

4. ஒரு தடுப்பூசி எந்த அளவு நன்றாக வேலை செய்யும்?

வளர்ந்து வரும் வல்லுநர்கள் மற்றும் அறிவியலாளர்கள் குழு கரோனா தடுப்பூசி வெகுஜனங்களுக்கு வேண்டாம் என்று நம்பு கிறது, ஏனெனில் பெரும்பாலான மக்கள் தொற்று நோயிலிருந்து சொந்தமாக மீண்டு வருகிறார்கள். இந்த தடுப்பூசி முதியவர்கள் மற்றும் குழந்தைகள் மற்றும் இணை நோயுற்றவர்கள் போன்ற சமூகத்தின் பாதிக்கப்படக்கூடியவர்களுக்கு மட்டும் பயன்படலாம். ஆனால் வைரஸுக்கு எதிராக இது எவ்வளவு பயனுள்ளதாக இருக்கும் என்பது இன்னும் மதிப்பிடப்படவில்லை.

5. வைரஸ் எதில் இருந்து தோன்றியது?

இது மில்லியன் டாலர் கேள்வியாக உள்ளது. வவ்வால்கள் முதல் எறும்புத் திண்ணிகள் வரை, சீனாவில் பிறந்த வைரஸின் தோற்றம் பற்றிய கோட்பாட்டைச் சுற்றி பல ஊகங்கள் எழுந்துள்ளன.

"சீனாவில் வவ்வால்களில் இருந்து எடுக்கப் பட்ட 1,200க்கும் மேற்பட்ட கரோனா வைரஸ் களின் விரிவான பகுப்பாய்வு, புதிய கரோனா வைரஸின் தோற்றம் வூகானில் உள்ள  வவ்வால் களையும் சுட்டிக்காட்டுகிறது," என்று அதில் கூறப்பட்டுள்ளது.