செய்தித் துளிகள்....

* பெட்ரோல் லிட்டருக்கு 53 காசும், டீசலுக்கு 52 காசும் திடீரென்று நேற்றிரவு முதல் உயர்வு.

* தமிழ்நாட்டில் கோவில்களைத் திறக்கத் தடை நீட்டிப்பு! (உருப்படியான செயல்!).

* மாலத் தீவிலிருந்து 700 இந்திய நாட்டவர் கப்பல்மூலம் வருகை.

* சென்னையில் தனியார் மருத்துவமனை உள்பட கரோனாவால் மரணம் அடைந்தோர் எண்ணிக்கையை மாநிலக் கட்டுப்பாட்டு அறை அறிவிக்கவேண்டும் என்று தி.மு.க. தலைவர் தளபதி மு.க.ஸ்டாலின் அறிக்கை.

* இந்தியாவில் அய்.பி.எல். கிரிக்கெட் போட்டி நடத்தப்பட்ட போது (2013, 2014 ஆண்டுகளில்) தன்னிடம் இனவெறி பாகுபாடு காட்டப்பட்டதாக மேற்கு இந்தியத் தீவின் முன்னாள் கிரிக்கெட் வீரர் டோன் சேமி கூறியுள்ளார்.

* கரோனா தொற்றை 20 நிமிடங்களில் கண்டறியும் புதிய கருவியை அய்தராபாத் அய்.அய்.டி. உருவாக்கம்.

* தி.மு.க. சட்டப்பேரவை உறுப்பினர் ஜெ.அன்பழகன் உடல்நிலை தொடர்ந்து முன்னேற்றம்.

* வேலூர் சிறையில் முருகன் 7 ஆம் நாளாகப் பட்டினிப் போராட்டம்.

* பழங்குடி சமூகத்தைச் சேர்ந்த உத்தமகுமரன் (பேராவூரணி) ஒரு வழக்குரைஞர் - கரோனாவால் கூடை பின்னும் தொழிலை மேற்கொண்டுள்ளார்.

* சென்னையிலிருந்து வருவோருக்கு கட்டாயம் கரோனா பரிசோதனை - கிருட்டிணகிரி மாவட்ட ஆட்சியர் அறிவிப்பு.

* ஆதாரை எதிர்த்து தாக்கல் செய்யப்பட்ட வழக்கு உச்சநீதிமன்றத்தில் நாளை விசாரணை.